ஐசிசி டெஸ்ட் தரவரிசை - அஸ்வின் முன்னேற்றம்

துபாய்: ஐசிசி டெஸ்ட் கிரிக்கெட் பவுலர்கள் தரவரிசைப் பட்டியலில் இந்தியாவின் ரவிச்சந்திரன் அஸ்வின் 2-வது இடத்துக்கு முன்னேறியுள்ளார்.

டெஸ்ட் கிரிக்கெட் தரவரிசைப் பட்டியலை சர்வதேச கிரிக்கெட் கவுன்சில் (ஐசிசி) நேற்று வெளியிட்டது. இதில் ரவிச்சந்திரன் அஸ்வின் 864 புள்ளிகளுடன் 2-வது இடத்துக்கு முன்னேறியுள்ளார். முதலிடத்தில் இங்கிலாந்து வீரர் ஜேம்ஸ் ஆண்டர்சன் உள்ளார்.

இந்தியாவின் ஜஸ்பிரீத் பும்ரா 6-வது இடத்திலும், ரவீந்திர ஜடேஜா 9-வது இடத்திலும் உள்ளனர்.

பேட்டிங்கில் ஆஸ்திரேலிய வீரர் மார்னஸ் லபுஷேன் முதலிடத்தில் இருக்கிறார். இந்தியாவின் ரிஷப் பந்த் 6-வது இடத்திலும், ரோஹித் சர்மா 7-வது இடத்திலும் உள்ளனர்.