முதலிடத்தை துரத்தும் ஆன்டி முர்ரே

பாரிஸ் மாஸ்டர்ஸ் டென்னிஸ் போட்டியில் உலகத் தரவரிசையில் முதலிடத்தில் உள்ள செர்பியாவின் ஜோகோவிச் கால் இறுதிக்கு முன்னேறினார்.

3-வது சுற்றில் அவர் 14-ம் நிலை வீரரான பல்கேரியாவின் கிரிகோர் டிமிட்ரோவை 4-6, 6-2, 6-3 என்ற செட் கணக்கில் வீழ்த்தினார். கால் இறுதி சுற்றில் 4-ம் நிலை வீரரான கனடாவின் மிலோஸ் ரயோனிக்கை சந்திக்கிறார் ஜோகோவிச்.

அதேவேளையில் 2-ம் நிலை வீரரான இங்கிலாந்தின் ஆன்டி முர்ரே 6-3, 6-0 என்ற நேர் செட்டில் பிரான்சின் லூக்காஸ் பவுயிலியை வீழ்த்தி கால் இறுதிக்குள் நுழைந் தார். கால் இறுதியில் 7-ம் நிலை வீரரான செக்குடியரசின் தாமஸ் பெர்ட்டிச்சை எதிர்கொள்கிறார் முர்ரே.

இந்த பாரிஸ் மாஸ்டர்ஸ் தொடர் ஆன்டி முர்ரே தரவரிசை பட்டியலில் முதலிடத்தை பிடிக்க நல்ல வாய்ப்பாக அமைந்துள்ளது. ஜோகோவிச் இறுதிப் போட்டிக்கு முன்னேறாத நிலையில் முர்ரே பட்டம் வென்றால் எளிதாக நம்பர் ஒன் இடத்தை பிடித்துவிடலாம்.

அதேவேளையில் ஜோகோ விச் அரை இறுதிக்கு முன்னரே தொடரில் இருந்து வெளியேற்றப் பட்டால் ஆன்டி முர்ரே இறுதிப் போட்டி வரை சென்றாலே போதும். நம்பர் ஒன் இடம் அவர் வசமாகிவிடும்.