மகளிருக்கான யூரோ கால்பந்து தொடர் | 8 கோல்கள் அடித்து இங்கிலாந்து சாதனை

லண்டன்: மகளிருக்கான யூரோ கால்பந்து தொடர் இங்கிலாந்தில் நடைபெற்று வருகிறது. இதில் ‘ஏ’ பிரிவில் இடம் பெற்றுள்ள இங்கிலாந்து தனது 2-வது ஆட்டத்தில், இரு முறை சாம்பியனான நார்வே அணியை எதிர்த்து விளையாடியது. நேற்று முன்தினம் இரவு தெற்கு இங்கிலாந்தில் உள்ள பிரைட்டன் மைதானத்தில் நடைபெற்ற இந்த ஆட்டத்தில் இங்கிலாந்து மகளிர் அணி 8-0 என்ற கோல் கணக்கில் வெற்றி பெற்றது.

யூரோ கால்பந்து வரலாற்றில் ஆடவர், மகளிர் என எந்த ஒரு ஆட்டத்திலும் இதற்கு முன்னர் 8 கோல்கள் அடிக்கப்பட்டது இல்லை. அந்த வகையில் இங்கிலாந்து அணி வரலாறு படைத்துள்ளது. அந்த அணி தரப்பில் பெத் மீட் 34, 38 மற்றும்81-வது நிடங்களில் கோல் அடித்து அசத்தினார்.

அதேவேளையில் எலன் ஒயிட் 29 மற்றும் 41-வது நிமிடங்களில் கோல் அடித்தார். ஸ்டான்வே (12-வது நிமிடம்), ஹெம்ப் (15-வது நிமிடம்) ஆகியோர் தலா ஒரு கோல் அடித்தனர்.

இங்கிலாந்து அணி தனது முதல் ஆட்டத்தில் ஆஸ்திரியாவை தோற்கடித்திருந்தது. தற்போதைய வெற்றியின் மூலம் இங்கிலாந்து அணி கால் இறுதி சுற்றுக்கு முன்னேறியது.