அகமதாபாத்: இந்தியா - மேற்கிந்தியத் தீவுகள் இடையிலான முதல் ஆட்டத்தில் 6 விக்கெட்கள் வித்தியாசத்தில் இந்தியா வெற்றி பெற்றிருந்தது. இதன் மூலம் 3 ஆட்டங்கள் கொண்ட ஒருநாள் போட்டித் தொடரில் இந்தியா 1-0 என முன்னிலை வகிக்கிறது.
இந்நிலையில், 2-வது ஆட்டத்தில் இன்று இரு அணிகளும் மீண்டும் மோதுகின்றன. இந்த ஆட்டம் பிற்பகல் 1.30 மணி அளவில் அகமதாபாத்தில் உள்ள நரேந்திர மோடி மைதானத்தில் நடைபெறுகிறது. கே.எல்.ராகுல் மீண்டும் அணியினருடன் இணைந்துள்ளதால் இன்றைய ஆட்டத்தில் இஷான் கிஷன் நீக்கப்படக்கூடும்.