பிரெஞ்சு ஓபன் டென்னிஸ் போட்டியின் ஆடவர் ஒற்றையர் பிரிவு அரையிறுதியில் செர்பியாவின் நோவக் ஜோகோவிச், லாத்வியாவின் ஏர்னெஸ்ட் குல்பிஸ் ஆகியோர் மோத இருக்கின்றனர்.
சர்வதேச தரவரிசையில் இரண்டாவது இடத்தில் உள்ள ஜோகோவிச், தரவரிசையில் 18-வது இடத்தில் உள்ள குல்பிஸை எளிதாக வென்று இறுதிச் சுற்றுக்கு முன்னேறுவார் என்று எதிர்பார்க்கப்படுகிறது.
எனினும் குல்பிஸ் காலிறுதியில் செக். குடியரசின் தாமஸ் பெர்டிச்சுக்கு அதிர்ச்சி தோல்வியை அளித்தார். தரவரிசையில் பெர்டிச் 6-வது இடத்தில் உள்ளார் என்பது குறிப்பிடத்தக்கது. முன்னதாக காலிறுதியில் கனடாவில் மிலோஸ் ரயோனிக்கை ஜோகோவிச் எதிர் கொண்டார். இதில் 7–5, 7–6, (7–5), 6–4 என்ற நேர் செட்களில் எளிதாக வென்று அரையிறுதிக்கு முன்னேறினார்.
குல்பிஸ், பெர்டிச்சை 6-3,6-2,6-4 என்ற நேர் செட்களில் வென்று அரையிறுதிக்கு தகுதி பெற்றார். மகளிர் ஒற்றையர் பிரிவில் ரஷ்யாவின் மரியா ஷரபோவா கனடாவின் இஜுனி பவுச்சரை எதிர்கொள்கிறார். பிரெஞ்சு ஓபன் டென்னிஸ் போட்டி நடைபெற்று வரும் பாரீஸ் நகரில் நேற்று மழை பெய்ததால் போட்டிகள் பாதிக்கப்பட்டன.