உலக தடகள சாம்பியன்ஷிப்: 800 மீ. ஓட்டத்தில் தங்கம் வென்றார் ருடிஷா

15-வது உலக தடகள சாம்பியன்ஷிப் போட்டியின் ஆடவர் 800 மீ. ஓட்டத்தில் கென்ய வீரர் டேவிட் ருடிஷா தங்கப் பதக்கம் வென்றார். உலக சாம்பியன்ஷிப் போட்டியின் 800 மீ. ஓட்டத்தில் அவர் வென்றுள்ள 2-வது தங்கப் பதக்கம் இது. முன்னதாக 2009-ல் இதே பிரிவில் தங்கம் வென்றுள்ளார்.

சீன தலைநகர் பெய்ஜிங்கில் நடைபெற்று வரும் இந்தப் போட்டியில் நேற்று நடைபெற்ற 800 மீ. ஓட்டத்தில் ஆரம்பம் முதலே முன்னிலையில் ஓடிய ருடிஷா 1 நிமிடம், 45.84 விநாடிகளில் இலக்கை எட்டி தங்கப் பதக்கத்தை தட்டிச் சென்றார். 800 மீ. ஓட்டத்தில் நடப்பு ஒலிம்பிக் சாம்பியனான ருடிஷாவிடமே உலக சாதனையும் உள்ளது. போலந்தின் ஆடம் சஸோத் (1:46.08) வெள்ளிப் பதக்கமும், போஸ்னியாவின் அமெல் டுக்கா (1:46.30) வெண்கலப் பதக்கமும் வென்றனர்.

நீளம் தாண்டுதல்

ஆடவர் நீளம் தாண்டுதல் போட்டியில் ஒலிம்பிக் சாம்பியனான பிரிட்டனின் கிரேக் ரூதர்போர்டு 8.41 மீ. தூரம் தாண்டி தங்கத்தை தட்டிச் சென்றார். இதன்மூலம் இந்த உலக தடகள சாம்பியன்ஷிப் போட்டியில் பிரிட்டனுக்கு 3-வது தங்கப் பதக்கம் கிடைத்துள்ளது. இதே பிரிவில் ஆஸ்திரேலியாவின் பேப்ரைஸ் லேபிரே (8.24 மீ.) வெள்ளியும், சீனாவின் ஜியானன் வாங் (8.18 மீ.) வெண்கலமும் வென்றனர்.

1,500 மீ. ஓட்டம்

மகளிர் 1,500 மீ. ஓட்டத்தில் எத்தியோப்பியாவின் ஜென்ஸிபே டிபாபா 4 நிமிடம், 08.09 விநாடி களில் இலக்கை எட்டி தங்கம் வென் றார். இதே பிரிவில் உலக சாதனை யும் டிபாபா வசமே உள்ளது. கென்யாவின் பெய்த் கிப்இகோன் (4:08.96) வெள்ளியும், நெதர்லாந் தின் சிபான் ஹசன் (4:09.34) வெண்கலமும் வென்றனர்.

400 மீ. தடை தாண்டுதல்

ஆடவர் 400 மீ. தடை தாண்டுதல் ஓட்டத்தில் கென்யாவின் நிகோலஸ் பெட் 47.19 விநாடிகளில் இலக்கை எட்டி தங்கம் வென்றார். உலக சாம்பியன்ஷிப் போட்டியில் 400 மீ. தடை தாண்டுதல் ஓட்டத்தில் கென்யா வென்றுள்ள முதல் பதக்கம் இதுவாகும்.

இதேபிரிவில் ரஷ்யாவின் டெனிஸ் குட்ரியாவ்ட்சேவ் (48.05 விநாடிகளில்) வெள்ளிப் பதக்கம் வென்றதோடு, தேசிய சாதனையும் படைத்தார். பஹாமாஸின் ஜெப்ரி ஜிப்சன் (48.17) வெண்கலம் வென்றார். இதுவும் தேசிய சாதனையாக அமைந்தது.

வட்டு எறிதல்

மகளிர் வட்டு எறிதல் போட்டியில் கியூபாவின் டெனியா கேபலெரோ 69.28 மீ. தூரம் வட்டு எறிந்து தங்கப் பதக்கத்தைக் கைப்பற்றினார். நடப்பு உலக சாம் பியன் மற்றும் ஒலிம்பிக் சாம்பிய னான குரேஷியாவின் சேன்ட்ரா பெர்கோவிச்சுக்கு வெள்ளிப் பதக் கமே கிடைத்தது. அவர் 67.39 மீ. தூரம் வட்டு எறிந்தார். ஜெர்மனி யின் நடின் முல்லர் (65.33 மீ.) வெண்கலம் வென்றார்.