இங்கிலாந்து ஒருநாள் தொடர்: ஆஸி. அணிக்கு ஸ்மித் கேப்டன்

அயர்லாந்து மற்றும் இங்கிலாந்துக்கு எதிரான ஒருநாள் தொடர் மற்றும் டி20 போட்டியில் விளையாடவுள்ள ஆஸ்திரேலிய கிரிக்கெட் அணிக்கு ஸ்டீவன் ஸ்மித் கேப்டனாக நியமிக்கப்பட்டுள்ளார்.

ஆஷஸ் தொடரின் கடைசி டெஸ்ட் போட்டி லண்டன் ஓவலில் வரும் 20-ம் தேதி தொடங்குகிறது. அதன்பிறகு பெல்பாஸ்டில் வரும் 27-ம் தேதி நடைபெறும் ஒரே யொரு ஒருநாள் ஆட்டத்தில் அயர்லாந்துடன் மோதுகிறது. அதைத் தொடர்ந்து இங்கிலாந் துடன் ஒரு டி20 போட்டி, 5 ஒருநாள் போட்டிகளில் மோதுகிறது.

ஆஸ்திரேலிய அணியில் ஆல் ரவுண்டர் மார்கஸ் ஸ்டாய்னிஸ், சுழற்பந்து வீச்சாளர் ஆஷ்டன் அகர், பேட்ஸ்மேன் ஜோ பர்ன்ஸ் ஆகியோர் புதுமுக வீரர்களாக சேர்க்கப்பட்டுள்ளனர். வேகப்பந்து வீச்சாளர்கள் மிட்செல் ஜான்சன், ஜோஷ் ஹேஸில்வுட் ஆகியோ ருக்கு ஓய்வளிக்கப்பட்டுள்ளது.

அணி விவரம்:

ஸ்டீவன் ஸ்மித் (கேப்டன்), ஆஷ்டன் அகர், ஜார்ஜ் பெய்லி, ஜோ பர்ன்ஸ், நாதன் கோல்ட்டர் நீல், பட் கம்மின்ஸ், கிளன் மேக்ஸ்வெல், மிட்செல் மார்ஷ், ஜேம்ஸ் பட்டின்சன், மிட்செல் ஸ்டார்க், மார்கஸ் ஸ்டாய்னிஸ், மேத்யூ வேட் (விக்கெட் கீப்பர்), ஷேன் வாட்சன், டேவிட் வார்னர், கேமரூன் பாய்ஸ் (டி20 போட்டிக்கு மட்டும்).