மாட்ரிட் ஓபன்: காலிறுதியில் சானியா ஜோடி

மாட்ரிட் ஓபன் டென்னிஸ் போட்டியின் மகளிர் இரட்டையர் பிரிவில் இந்தியாவின் சானியா மிர்சா-ஸ்விட்சர்லாந்தின் மார்ட்டினா ஹிங்கிஸ் ஜோடி காலிறுதிக்கு முன்னேறியுள்ளது.

ஸ்பெயின் தலைநகர் மாட்ரிட்டில் நடைபெற்று வரும் இந்தப் போட்டியில் சானியா-ஹிங்கிஸ் ஜோடி தங்களின் காலிறுதிக்கு முந்தைய சுற்றில் 6-2, 6-3 என்ற நேர் செட்களில் ஸ்லோவேகியாவின் ஜேனிட் ஹுஸரோவா-ருமேனியாவின் ரேலுகா ஒலாரு ஜோடியைத் தோற்கடித்தது.

சானியா ஜோடி தங்களின் காலிறுதியில் அமெரிக் காவின் பெத்தானி மடேக் சேன்ட்ஸ்-செக்.குடியரசின் லூஸி சபரோவா ஜோடியை சந்திக்கிறது.