டிஎன்எஸ்ஜேஏ சார்பில் வீரர்களுக்கு ஊக்கத்தொகை: விண்ணப்பங்கள் வரவேற்பு

தமிழ்நாடு விளையாட்டு பத்திரிகையாளர்கள் சங்கம் (டிஎன்எஸ்ஜேஏ), ஜிவிஎஸ்பிஎல் சார்பில் விளையாட்டு வீரர், வீராங்கனைகளுக்கு விருது வழங்கும் விழா வரும் 29-ம் தேதி சென்னையில் நடைபெறுகிறது.

தொடர்ந்து 4-வது ஆண்டாக நடைபெறும் இந்த விழாவில் வளர்ந்து வரும் வீரர், வீராங்கனைகள் 10 பேருக்கு தலா ரூ.30 ஆயிரம் ஊக்கத்தொகை வழங்கப்படவுள்ளது.

இதற்கு தகுதி வாய்ந்த வீரர், வீராங்கனைகள் விண்ணப்பிக்கலாம். சம்பந்தப்பட்ட வீரர்கள் கடந்த இரண்டு ஆண்டுகளில் வெற்றி பெற்ற போட்டிகள், படைத்த சாதனைகள் உள்ளிட்ட சுயவிவரங்களை (பயோடேட்டா) விண்ணப்பத்துடன் இணைத்து அனுப்ப வேண்டும்.

விண்ணப்பங்களை அனுப்புவதற்கு ஏப்ரல் 20-ம் தேதி கடைசி நாளாகும்.

gvspltnsjaawards@gmail.com என்ற இணையதள முகவரிக்கு விண்ணப்பங்களை அனுப்ப வேண்டும்.

இது தொடர்பான மேலும் விவரங்களுக்கு டிஎன்எஸ்ஜே தலைவர் டி.என்.ரகு (9840927442), செயலாளர் கே.கீர்த்திவாசன் (9840755059) ஆகியோரை தொடர்புகொள்ளலாம்.