மகளிர் ஹாக்கி: இந்திய-ஆஸ்திரேலிய ஆட்டம் டிரா

நியூஸிலாந்தின் ஹேஸ்டிங்ஸ் நகரில் நடைபெற்று வரும் ஹாக்ஸ் பே கோப்பை மகளிர் ஹாக்கிப் போட்டியில் நேற்று நடைபெற்ற இந்தியா-ஆஸ்திரேலியா அணிகள் இடையிலான ஆட்டம் கோலின்றி டிராவில் முடிந்தது.

முதல் இரு ஆட்டங்களில் தோல்வி கண்டிருந்த இந்திய அணி, இந்த ஆட்டத்தில் டிரா செய்திருப்பதன் மூலம் ஒரு புள்ளியைப் பெற்றுள்ளது.

சர்வதேச தரவரிசையில் 13-வது இடத்தில் இருக் கும் இந்திய அணி முன்னதாக 1-2 என்ற கோல் கணக்கில் சீனாவிடமும், 2-4 என்ற கோல் கணக்கில் அமெரிக்காவிடமும் தோல்வி கண்டது குறிப்பிடத்தக்கது.

அதேநேரத்தில் ஆஸ்திரேலிய அணி தான் விளையாடிய 3 ஆட்டங்களிலும் டிரா செய்துள்ளது. இந்திய அணி, அடுத்ததாக நியூஸிலாந்தை சந்திக்க வுள்ளது. இந்த ஆட்டம் நாளை நடைபெறுகிறது.