ஒரு நாள் கிரிக்கெட்டில் அதிக ரன்கள்: சச்சினுக்கு அடுத்த இடத்தில் சங்கக்காரா

உலகக்கோப்பை கிரிக்கெட்டில் இன்று நியூசிலாந்துக்கு எதிராக 39 ரன்கள் எடுத்த சங்கக்காரா ஒருநாள் கிரிக்கெட்டில் 13,732 ரன்கள் எடுத்து சச்சினுக்கு அடுத்த இடத்திற்கு வந்துள்ளார்.

சச்சின் டெண்டுல்கர் 18,426 ரன்களுடன் முதலிடம் வகிக்க அதற்கு அடுத்த இடத்தில் முன்னதாக ரிக்கி பாண்டிங் 13,704 ரன்களுடன் இருந்தார். தற்போது 13,732 ரன்களுடன் சங்கக்காரா 2-ஆம் இடத்திற்கு முன்னேறியுள்ளார்.

உலகக்கோப்பை கிரிக்கெடில் சங்கக்காரா 1030 ரன்களை எடுத்துள்ளார். உலகக்கோப்பை கிரிக்கெட்டில் 1000 ரன்களுக்கும் மேல் எடுக்கும் 3-வது இலங்கை வீரர் ஆனார் சங்கக்காரா, மொத்தத்தில் 14-வது வீரர்.

சச்சின் டெண்டுல்கர் உலகக்கோப்பை கிரிக்கெட்டில் மட்டும் 2,278 ரன்கள் விளாசி முதலிடம் வகிக்கிறார் என்பது குறிப்பிடத்தக்கது.

உலகக்கோப்பையில் நியூசிலாந்து இன்று எடுத்த 331 ரன்கள் 7-வது 300 ரன்களுக்கும் மேலான ரன்களாகும். ஆஸ்திரேலியா உலகக்கோப்பையில் 14 முறை 300 ரன்களுக்கும் மேல் எடுத்துள்ளது.