தென்னாப்பிரிக்கா 131 ரன்களில் வெற்றி

மேற்கிந்தியத்தீவுகளுக்கு எதிரான 5-வது மற்றும் கடைசி ஒருநாள் போட்டியில் தென்னாப்பிரிக்கா 131 ரன்கள் வித்தியாசத்தில் வென்றது.

இதன் மூலம் 5 போட்டிகள் கொண்ட ஒருநாள் தொடரை 4-1 என்ற கணக்கில் தென்னாப்பிரிக்கா வென்றது. செஞ்சூரியனில் நடைபெற்ற கடைசி ஒருநாள் போட்டியில் மழை குறுக்கிட்டது. இதனால் இரு தரப்புக்கும் தலா 42 ஓவர்கள் என நிர்ணயிக்கப்பட்டது.

முதலில் பேட்டிங் செய்த தென்னாப்பிரிக்கா 42 ஓவர்களில் 5 விக்கெட் இழப்புக்கு 361 ரன்கள் எடுத்தது. கேப்டன் ஆம்லா 133 ரன்களும் (105 பந்துகள்), ரஸுவ் 132 ரன்களும் (98 பந்துகள்) குவித்தனர்.

மேற்கிந்தியத்தீவுகள் 37.4 ஓவர்களில் 230 ரன்களுக்கு அனைத்து விக்கெட்டுகளையும் இழந்து தோல்வியடைந்தது.