அடிலெய்டு டெஸ்ட்: எண்கள் சொல்லும் சிறப்புத் துளிகள்

ஆஸ்திரேலியாவுக்கு எதிரான முதல் டெஸ்ட் கிரிக்கெட் போட்டியில் 48 ரன்கள் வித்தியாசத்தில் தோல்வியடைந்தது இந்தியா. கேப்டன் விராட் கோலி (141 ரன்கள்), முரளி விஜய் (99) ஆகியோர் போராடியபோதும், எஞ்சிய வீரர்கள் சொற்ப ரன்களில் ஆட்டமிழந்ததால் இந்தியாவின் தோல்வி தவிர்க்க முடியாததானது. இப்போட்டியில் சிறப்புக்குரிய முக்கியத் துளிகள்:

256 - முதல் டெஸ்ட் போட்டியில் 256 ரன்கள் (115, 141) சேர்த்ததன் மூலம் கேப்டனாக அறிமுகமான போட்டியில் அதிக ரன்கள் குவித்தவர் என்ற சாதனையை கோலி படைத்தார். முன்னதாக நியூஸிலாந்தின் கிரஹாம் டவ்லிங் 1968-ல் கிறைஸ்ட் சர்ச்சில் இந்தியாவுக்கு எதிராக 244 ரன்கள் குவித்ததே (239, 5) சாதனையாக இருந்தது.

12 - இந்தப் போட்டியில் 12 விக்கெட்டுகள் வீழ்த்தியதன் மூலம் இந்தியாவுக்கு எதிராக அதிக விக்கெட்டுகளை வீழ்த்திய ஆஸ்திரேலியர் என்ற பெருமையைப் பெற்றார் நாதன் லயன்.

6 - ஆஸ்திரேலியாவில் நடைபெற்ற டெஸ்ட் போட்டிகளில் வெளிநாடுகளைச் சேர்ந்த 6 வீரர்கள் இரு இன்னிங்ஸ்களிலும் சதமடித் துள்ளனர். அதில் 5, அடிலெய்டு மைதானத்தில் அடிக்கப்பட்டுள்ளது.

53 - ஆஸ்திரேலிய மண்ணில் நடை பெற்ற டெஸ்ட் போட்டியில் 53 ஆண்டுகளுக்குப் பிறகு வெளிநாட் டைச் சேர்ந்த வீரர் ஒருவர் ஒரு போட்டியின் இரு இன்னிங்ஸ் களிலும் சதமடித்துள்ளார். இதற்கு முன்னர் 1961-ல் இதே அடிலெய்டு மைதானத்தில் நடைபெற்ற போட்டி யில் மேற்கிந்தியத் தீவுகளின் ரோஹன் கன்காய் இரு இன்னிங்ஸ்களிலும் சதமடித்துள்ளார்.

2 - கேப்டனாக அறிமுகமான டெஸ்ட் போட்டியின் இரு இன்னிங்ஸ்களிலும் சதமடித்த 2-வது நபர் விராட் கோலி. இதற்கு முன்னர் 1975-ல் பிரிஸ்பேனில் நடைபெற்ற டெஸ்ட் போட்டியில் கேப்டனாக அறிமுக மான கிரேக் சாப்பல், இரு இன்னிங்ஸ்களிலும் சதமடித்துள்ளார். வெளிநாட்டு மண்ணில் மேற்கண்ட சாதனையை நிகழ்த்திய முதல் நபர் கோலி ஆவார்.

70.75 - 4-வது இன்னிங்ஸில் கோலியின் சராசரி 70.75. இது அனைத்து பேட்ஸ்மேன்களின் (குறைந்தபட்சம் 500 ரன்கள் குவித்தவர்கள்) சராசரியில் 4-வது அதிகபட்ச சராசரியாகும்.

10 - ஆஸ்திரேலியாவில் நடைபெற்ற டெஸ்ட் போட்டியில் 10 ஆண்டு களுக்குப் பிறகு ஒரு போட்டியில் 10-க்கு மேற்பட்ட விக்கெட்டுகளை வீழ்த்திய சுழற்பந்து வீச்சாளர் லயன். இதற்கு முன்னர் 2004-ல் இலங்கையின் உபுல் சந்தனா 10 விக்கெட்டுகளை கைப்பற்றியுள்ளார்.

25 - ஆஸ்திரேலிய மண்ணில் நடைபெற்ற டெஸ்ட் போட்டியில் கடந்த 25 ஆண்டுகளில் 10 விக்கெட்டு களை வீழ்த்திய முதல் ஆஸ்திரேலிய ஃபிங்கர் ஸ்பின்னர் லயன். இதற்கு முன்னர் 1989-ல் சிட்னியில் நடை பெற்ற மேற்கிந்தியத் தீவுகளுக்கு எதிரான போட்டியில் ஆலன் பார்டர் 10 விக்கெட்டுகளை வீழ்த்தியுள்ளார்.

99 - 99 ரன்களில் எல்பிடபிள்யூ முறையில் ஆட்டமிழந்த 2-வது இந்திய வீரர் முரளி விஜய். இதற்கு முன்னர் 1994-ல் நடைபெற்ற இலங்கைக்கு எதிரான டெஸ்டில் சித்து 99 ரன்களில் எல்பிடபிள்யூ முறையில் ஆட்டமிழந்துள்ளார். 4 ஆஸ்திரேலியாவுக்கு எதிராக ஒரு போட்டியில் அதிக சிக்ஸர்களை விளாசிய இந்திய தொடக்க வீரர்கள் வரிசையில் 2-வது இடத்தைப் பிடித்துள்ளார் (4 சிக்ஸர்கள்) முரளி விஜய். சேவாக் முதலிடத்தில் உள்ளார். அவர் 2003-ல் மெல்போர்னில் நடைபெற்ற டெஸ்ட் போட்டியில் 5 சிக்ஸர்களை விளாசியுள்ளார்.

24,836 - 5-வது நாளான நேற்று 24,836 பேர் மைதானத்திற்கு வந்திருந்தனர். இதன்மூலம் இதன் மூலம் அடிலெய்டில் 5-வது நாளில் அதிக ரசிகர்கள் வந்த போட்டி என்ற பெருமை இந்தப் போட்டிக்கு கிடைத்துள்ளது.

2 - அடிலெய்டில் ஒரு போட்டியின் இரு இன்னிங்ஸ்களிலும் இரண்டு சதமடித்த 2-வது இந்தியர் கோலி. முன்னதாக 1947-48-ல் விஜய் ஹசாரே இரு இன்னிங்ஸ்களிலும் சதமடித்துள்ளார்.

4 - ஒரு போட்டியின் இரு இன்னிங்ஸ்களிலும் சதமடித்த 4-வது இந்தியர் கோலி. விஜய் ஹசாரே, சுநீல் கவாஸ்கர் (3 முறை), ராகுல் திராவிட் (இரு முறை) ஆகியோர் மற்ற இந்தியர்கள்.