தன்னுடைய சுயசரிதையான ‘பிளேயிங் இட் மை வே’-யில் 5 கேப்டன்களுக்கு நற்சான்றிதழ் அளித்துள்ளார் சச்சின்.
சச்சினின் சுயசரிதை நூலான ‘பிளேயிங் இட் மை வே’ சமீபத்தில் வெளியாகியுள்ளது. அதில் 4 இந்திய கேப்டன்கள் மற்றும் ஒரு இங்கி லாந்து கேப்டன் என 5 பேரைப் பாராட்டி எழுதியுள்ளார் சச்சின்.
கங்குலி
கங்குலி வியூகம் வகுப்பதில் வல்லவர். கிரிக்கெட்டைப் பற்றி நன்கு புரிதல் உள்ளவர். கடுமையான நேரங்களில், பரிசோதனை செய்து பார்ப்பதில் தயக்கம் காட்டமாட்டார். கங்குலி கேப்டனாக இருந்தபோதுதான் இந்திய அணி வெளிநாடுகளில் தொடர்ந்து ஜெயிக்க ஆரம்பித்தது.
கும்ப்ளே
வீரர்களுடன் கருத்துகளைச் சரியாக பரிமாறுவதில் வல்லவர். ஒவ்வொரு வீரரிடமும் தான் என்ன எதிர்பார்க் கிறேன் என்பதை வெளிப்படை யாக சொல்லிவிடுவார். உள்ளுணர்வு மீது நம்பிக்கை வைத்து ஆடுபவர்.
திராவிட்
பொதுவாக ஏற்றுக்கொள்ளப் பட்ட வழிமுறைகளுடன் கிரிக்கெட்டை அணுகுபவர். மன உறுதி மிக்கவர். அதிக பரிசோதனை முயற்சிகளில் ஈடுபடமாட்டார்.
தோனி
உள்ளுணர்வு மீது அதிக நம்பிக்கை வைப்பவர். கிரிக்கெட்டை நன்கு புரிந்து கொண்டிருப்பவர். வித்தியாசமாக முயற்சி செய்வதில் தயக்கம் காண் பிக்க மாட்டார். அழுத்தம் கொடுக்கும் தருணங்களை நன்றாக கையாள்பவர்.
நாசர் ஹுசேன்
வியூகம் வகுப்பதில் வல்லவர். சிலசமயம் அவருடைய வியூகங்கள் எதிர்மாறாகவும் அமைந்துவிடும். ஒரு பேட்ஸ்மேன் எப்படி ஆடுவார் என்பதை முன்பே கணித்து அந்த இடத்தில் ஃபீல்டரை நிறுத்தி விடுவார்.