பயிற்சி ஆட்டத்தில் விராட் கோலி, ரஹானே ஏமாற்றம்: இந்தியா 258/6

செயிண்ட் கிட்ஸில் நேற்று தொடங்கிய 2 நாள் பயிற்சி ஆட்டத்தில் இந்திய கேப்டன் விராட் கோலி ஏமாற்றமளித்தார்.

முதலில் பேட் செய்த இந்திய அணி முதல் நாள் ஆட்ட முடிவில் 6 விக்கெட்டுகள் இழப்பிற்கு 258 ரன்கள் எடுத்துள்ளது. அமித் மிஸ்ரா 18 ரன்களுடனும், ரோஹித் சர்மா 54 ரன்களுடனும் களத்தில் இருக்கின்றனர்.

தொடக்க வீரர்களான தவண், லோகேஷ் ராகுல் 27 ஓவர்களில் முதல் விக்கெட்டுக்காக 93 ரன்களைச் சேர்த்தனர். தவண் 7 பவுண்டரிகளுடன் 51 ரன்கள் எடுத்து ரிட்டையர்ட் அவுட் ஆனார். ராகுலும் 5 பவுண்டரிகள் 1 சிக்சருடன் 50 ரன்கள் எடுத்து ரிட்டையர்ட் அவுட் ஆனார்.

விராட் கோலி மந்தமாக இன்னிங்ஸை தொடங்கினார், ஆனால் அதிலிருந்து மேலே கட்டமைக்க முடியவில்லை. 40 பந்துகளில் 2 பவுண்டரிகளுடன் அவர் 14 ரன்களை மட்டுமே எடுத்து இடது கை ஸ்பின்னர் ஜோமெல் வாரிகன் பந்தில் விக்கெட் கீப்பர் டவ்ரிச்சிடம் கேட்ச் கொடுத்து வெளியேறினார். அஜிங்கிய ரஹானே 5 ரன்களில் இதே வாரிக்கன் பந்தில் பவுல்டு ஆகி வெளியேறி ஏமாற்றமளித்தார்.

செடேஸ்வர் புஜாரா சரளமாக ஆடவில்லை 102 பந்துகளில் 5 பவுண்டரிகளுடன் 34 ரன்கள் எடுத்து ரிட்டையர்ட் அவுட் ஆனார். ரோஹித் சர்மா, விருத்திமான் சஹா 6-வது விக்கெட்டுக்காக 47 ரன்கள் சேர்த்தனர். விருத்திமான் சஹா 22 பந்துகளில் வெளியேற, ரோஹித் சர்மா 109 பந்துகளில் 8 பவுண்டரி 1 சிக்சருடன் 54 ரன்கள் எடுத்தும், அமித் மிஸ்ரா 18 ரன்கள் எடுத்தும் களத்தில் உள்ளனர்.