நவீன கால விவ் ரிச்சர்ட்ஸ்: சேவாக் புகழ்பாடும் தோனியும் பிரபலங்களும்

சர்வதேச கிரிக்கெட் மற்றும் ஐபிஎல் கிரிக்கெட்டிலிருந்து அதிரடி பேட்ஸ்மேன் சேவாக் ஓய்வு அறிவித்துள்ளார். அவருக்கு ட்விட்டரில் புகழாரம் பெருகி வருகிறது.

இந்திய ஒருநாள் அணி கேப்டன் தோனி:

விவ் ரிச்சர்ட்ஸ் பேட்டிங் செய்ததை நேரில் நான் பார்த்ததில்லை. ஆனால் சேவாக் பேட் செய்ததை பார்த்துள்ளேன் என்பதை பெருமையுடன் நான் கூற முடியும். அவர் பந்து வீச்சுகளை அவர் புரட்டி எடுத்ததை நான் பார்த்துள்ளேன் என்பதை பெருமையுடன் கூறுகிறேன்.

பேட்டிங்கில் திறமையை வெளிப்படுத்துவது ஒரு வகை என்றால், பேட்டிங்கில் விரூப்பாவின் (சேவாக்) மனநிலை என்பதை வைத்துக் கொள்வது அசாத்தியம். அருமையான கிரிக்கெட் கரியருக்கு வாழ்த்துக்கள்.

டெஸ்ட் கேப்டன் விராட் கோலி:

உங்களுடன் விளையாடியது பெரும் மகிழ்ச்சியளிக்கிறது. என்ன ஒரு திகைக்கவைக்கும் பேட்டிங் கரியர் உங்களுடையது. வழிகாட்டுதலுக்கும் நினைவுகளூக்கும் நன்றி. மாடர்ன் டே லெஜண்ட்.

ஜாகீர் கான்:

தாக்குதல் பேட்டிங்கில் தெளிவான சிந்தனை உங்களது பேட்டிங்கின் சிறப்பு அடையாளம். தலைசிறந்த நினைவுகளுக்காகவும் சிறந்த நட்புக்காகவும் நன்றி.

ஹர்பஜன் சிங்:

நவீன காலத்தின் விவ் ரிச்சர்ட்ஸ். மிகச்சிறந்த வீரர், நீங்கள் விளையாடியதைப் பார்த்தும் பந்து வீச்சாளர்களுடனான உங்களது கேளிக்கையையும் பார்த்து மகிழ்ந்துள்ளேன்.

பிஷன் பேடி:

சேவாக், அவரது பாணியில் சிக்கல்களற்ற கிரிக்கெட் ஆட்டத்தை ஆடினார். அதைப்போலவே அவரது பாணியில் விடைபெற்றுள்ளார். சேவாகைச் சுற்றி உள்ள ஒளிவட்டம் வெகுஜன மக்களிடையே அவரை நெருக்கமாக்கியுள்ளது. எதிரணியினரிடம் சச்சின் டெண்டுல்கர் போலவே அச்சத்தை ஏற்படுத்தியவர். சேவாகைப் போற்றுவோம், இப்போதும்.. எப்போதும்..

ஆகாஷ் சோப்ரா:

சாத்தியமாகாததை சாதித்துக் காட்டுவது உங்களது பேட்டிங் அடையாளம். இது ஜீனியஸின் அடையாளமும் கூட. சேவாக் ஒரு கிரிக்கெட் ஜீனியஸ்.

சம்பீத் பால்:

சேவாக் முதல் சதத்தை எடுக்கும் போது சச்சின் டெண்டுல்கரின் பிரதிபிம்பம் போல் தெரிந்தார். ஆனால் அவர் தன்னிலே உருவான ஒரு புது வகை. உண்மையில் ஒப்பற்றவர்.