அன்டோனெல்லாவை 30-ம் தேதி திருமணம் செய்கிறார் மெஸ்ஸி

அர்ஜென்டினா கால்பந்து அணியின் நட்சத்திர வீரரான லயோனல் மெஸ்ஸி, தனது தோழியான அன்டோனெல்லா ரோக்குஸ்ஸோவை இம்மாத இறுதியில் திருமணம் செய்து கொள்ள உள்ளார். இதற்காக மெஸ்ஸின் சொந்த ஊரான ரொசாரியோ தயாராகி வருகிறது.

வரும் 30-ம் தேதி மெஸ்ஸி - அன்டோனெல்லா ரோக்குஸ்ஸோ திருமணம் நடைபெற உள்ளதை மெஸ்ஸியின் செய்தி தொடர்பாளர் உறுதி செய்துள்ளார். இந்த திருமணம் மெஸ்ஸியின் 30-வது பிறந்த நாள் (ஜூன் 24) முடிவடைந்த அடுத்த ஒருவாரத்தில் நடத்தப்படுகிறது.

மெஸ்ஸியின் திருமணம் லத்தின் அமெரிக்க முறையில் நடைபெற உள்ளது. இந்த திருமணத்தில் கொலம்பியாவின் பாப் பாடகி ஷகிரா கலந்துகொள்வார் என எதிர்பார்க்கப்படுகிறது. பார்சி லோனா அணிக்காக விளையாடி வரும் மெஸ்ஸியின் சக வீரரான ஜெரார்டு பைக்யூவின் மனைவி தான் ஷகிரா என்பது குறிப்பிடத் தக்கது.

இந்த திருமணத்தில் பார்சி லோனா அணி வீரர்களான நெய்மர், லூயிஸ் சுவாரஸ், செஸ்க் ஃபப்ரே காஸ், சேவி ஹெர்னாண்டஸ் உள்ளிட்டோர் கலந்து கொள்ளக் கூடும் என ரொசாரியோவில் இருந்து வெளிவரும் லா கேபிடல் என்ற நாளிதழ் செய்தி வெளியிட் டுள்ளது. மெஸ்ஸி - அன்டோ னெல்லா ரோக்குஸ்ஸோ ஜோடிக்கு திருமணம் ஆகவில்லை என்றாலும் 4 வயதில் தியாகோ என்ற மகனும், ஒரு வயதில் மேடியோ என்ற மகனும் உள்ளனர்.

மெஸ்ஸி - அன்டோனெல்லா ரோக்குஸ்ஸோ திருமணத்தில் பார்சிலோனா அணி வீரர்கள் 21 பேர் உட்பட 250 பேர் கலந்து கொள்ளக்கூடும் என எதிர்பார்க்கப் படுகிறது. அர்ஜென்டினா பாடகி கரினா இந்த திருமணத்தில் சிறப்பு விருந்தினராக கலந்து கொண்டு பாட உள்ளார். கரினா, அர்ஜென்டினா மற்றும் மான் செஸ்டர் சிட்டி கால்பந்து அணியின் நட்சத்திர வீரரான செர்ஜியோ அகுராவின் மனைவி ஆவார்.

மெஸ்ஸி - அன்டோனெல்லா ரோக்குஸ்ஸோ திருமணத் துக்கான விஷேச ஆடை வடிவ மைக்கப்பட்டுள்ளது. இதனை ஸ்பெயின் ஆடைவடிமைப்பாள ரான ரோசா கிளாரா வடிவமைத் துள்ளார். மேலும் 20 சிகையலங்கார நிபுணர்கள் வரவழைக்கப்பட உள்ளனர். திருமணத்துக்கு வருகை தருபவர்களிடம் பரிசாக லியோ மெஸ்ஸி அறக்கட்ட ளைக்கு நன்கொடை வழங்குமாறு கேட்கவும் மணமக்கள் முடிவு செய்துள்ளனர்.