8 போட்டிகளில் கேப்டனாக தொடர் வெற்றி - ஸ்ரேயஸ் ஐயர் சாதனை!

முலான்பூர்: ஐபிஎல் போட்டிகளில் தொடர்ந்து 8 ஆட்டங்களில் கேப்டனாக வெற்றி பெற்று பஞ்சாப் கிங்ஸ் அணியின் கேப்டன் ஸ்ரேயஸ் ஐயர் சாதனை புரிந்துள்ளார்.

இந்தப் பட்டியலில் முதலிடத்தில் கவுதம் கம்பீர் (10 போட்டிகள்-2014-15-ம் ஆண்டு), 2-வது இடத்தில் ஷேன் வார்னே (8 போட்டிகள்-2008-ம் ஆண்டு) உள்ளனர். 3-வது இடத்தில் ஸ்ரேயஸ் ஐயரும் (8 போட்டிகள்-2024-25-ம் ஆண்டு), 4-வது இடத்தில் சிஎஸ்கே முன்னாள் கேப்டன் எம்.எஸ்.தோனியும் (7 போட்டிகள்-2013-ம் ஆண்டு) உள்ளனர்.

ராஜஸ்தானுக்கு எதிரான நேற்றைய ஆட்டத்தில் பஞ்சாப் அணி தோல்வி கண்டது. இதில் வெற்றி பெற்றிருந்தால் தொடர்ந்து 9 போட்டிகளில் வெற்றி பெற்ற கேப்டன் என்ற சாதனையும் ஸ்ரேயஸ் ஐயர் கணக்கில் சேர்ந்திருக்கும்.