சையத் மோடி பாட்மிண்டன்: சிந்து, லக்சயா சென் சாம்பியன்

சையத் மோடி சர்வதேச பாட்மிண்டன் போட்டியின் மகளிர் பிரிவில் இந்தியாவின் பி.வி. சிந்து, ஆடவர் பிரிவில் லக்சயா சென் ஆகியோர் சாம்பியன் பட்டம் வென்றனர்.

லக்னோவில் நேற்று நடைபெற்ற மகளிர் ஒற்றையர் இறுதிப் போட்டியில் பி.வி. சிந்து 21-14, 21-16 என்ற செட் கணக்கில் சீன வீராங்கனை வூ லுவோ யூவை வீழ்த்தி பட்டம் வென்றார்.

கடந்த 2022-ம் ஆண்டு ஜூலையில் நடைபெற்ற சிங்கப்பூர் ஓபன் பாட்மிண்டன் போட்டியில் கடைசியாக சிந்து பட்டம் வென்றிருந்தார் என்பது குறிப்பிடத்தக்கது.

ஆடவர் பிரிவில் இந்திய வீரர் லக்சயா சென் 21-6, 21-7 என்ற செட் கணக்கில் சிங்கப்பூர் வீரர் ஜியா ஹெங் ஜேசனை தோற்கடித்து பட்டத்தை கைப்பற்றினார்.

மகளிர் இரட்டையர் பிரிவு இறுதிப் போட்டியில் இந்தியாவின் ட்ரீசா ஜாலி, காயத்ரி கோபிசந்த் ஜோடி 21-18, 21-11 என்ற செட் கணக்கில் சீனாவிந் பாவோ லி ஜிங், லி கியான் ஜோடியை வென்று சாம்பியன் பட்டத்தை வசப்படுத்தியது.

ஆனால், ஆடவர் இரட்டையர் பிரிவு இறுதிச் சுற்றில் இந்தியாவின் பிருத்வி கிருஷ்ணமூர்த்தி ராய், சாய் பிரதீக் ஜோடி 14-21, 21-19, 17-21 என்ற செட் கணக்கில் சீனாவின் ஹுவாங் டி, லியி யாங் ஜோடியிடம் வீழ்ந்தது.