இந்திய அணியில் ஷபாலி நீக்கம்

புதுடெல்லி: இந்திய மகளிர் கிரிக்​கெட் அணி வரும் டிசம்பர் மாதம் ஆஸ்திரேலி​யா​வில் சுற்றுப்​பயணம் செய்து 3 ஆட்டங்கள் கொண்ட ஒருநாள் கிரிக்​கெட் போட்​டித் தொடரில் விளை​யாடு​கிறது.

இந்த தொடர் ஐசிசி மகளிர் சாம்​பியன்​ஷிப்​பின் ஓர் அங்கமாக உள்ளது. இந்நிலை​யில் ஆஸ்திரேலிய தொடருக்கான இந்திய மகளிர் அணி நேற்று அறிவிக்​கப்​பட்​டது. இதில் தொடக்க வீராங்​கனையான ஷபாலி வர்மா மோசமான பார்ம் காரணமாக நீக்​கப்​பட்​டுள்​ளார்.

20 வயதான ஷபாலி வர்மா கடைசியாக விளை​யாடிய 6 ஆட்டங்​களில் 108 ரன்களே சேர்த்திருந்​தார். கடந்த 2022-ம் ஆண்டு ஜூலை மாதம் இலங்கை அணிக்கு எதிரான ஆட்டத்​தில் ஷபாலி வர்மா 77 ரன்கள் சேர்த்திருந்​தார். அதன் பின்னர் அவர், மேற்​கொண்டு ஒரு அரை சதம் கூட அடிக்க​வில்லை. இந்தியா - ஆஸ்திரேலியா மகளிர் அணிகள் இடையிலான முதல் ஒருநாள் போட்டி வரும் டிசம்பர் 5-ம் தேதி பிரிஸ்பனில் நடைபெறுகிறது. 2-வது போட்​டி​யும் அங்கேயே நடத்​தப்​படு​கிறது. கடைசி மற்றும் 3-வது போட்டி டிசம்பர் 11-ம் தேதி பெர்த் நகரில் நடைபெறுகிறது.

இந்திய அணி விவரம்: ஹர்மன்​பிரீத் கவுர் (கேப்​டன்), ஸ்மிருதி மந்தனா, பிரியா பூனியா, ஜெமிமா ரோட்​ரிக்ஸ், ஹர்லீன் தியோல், யாஸ்​திகா பாட்​டியா, ரிச்சா கோஷ், தேஜல் ஹசாப்​னிஸ், தீப்தி ஷர்மா, மின்னு மணி, பிரியா மிஸ்ரா, ராதா ​யாதவ், டைட்​டாஸ் சாது, அருந்​ததி ரெட்டி, ரேணுகா சிங் ​தாக்​கூர், சை​மா ​தாகூர்​.