இந்தியாவுடன் டெஸ்ட் தொடர்: ஆஸ்திரேலிய அணி அறிவிப்பு

மெல்பர்ன்: இந்தியாவுடனான 5 போட்டிகள் கொண்ட கிரிக்கெட் டெஸ்ட் தொடரில் விளையாடும் ஆஸ்திரேலிய கிரிக்கெட் அணி அறிவிக்கப்பட்டுள்ளது.

இந்திய அணி, ஆஸ்திரேலியாவில் சுற்றுப் பயணம் செய்து 5 போட்டிகள் கொண்ட பார்டர்-கவாஸ்கர் டெஸ்ட் தொடரில் விளையாடவுள்ளது. இதில் முதல் போட்டி பெர்த் நகரில் வரும் 22-ம் தேதி தொடங்க உள்ளது. இந்நிலையில் இந்த போட்டியில் பங்கேற்க இந்திய அணி 2 குழுவாக ஆஸ்திரேலியா செல்ல உள்ளது.

இந்நிலையில் பார்டர் கவாஸ்கர் தொடருக்கான 13 பேர் கொண்ட ஆஸ்திரேலிய அணி அறிவிக்கப்பட்டுள்ளது. டெஸ்ட் போட்டிகளில் அறிமுக வீரர்களாக மெக்ஸ்வீனி, ஜோஷ் இங்லிஸ் ஆகியோர் இடம் பிடித்துள்ளனர்.

அணி விவரம்: பாட் கம்மின்ஸ் (கேப்டன்), ஸ்காட் போலண்ட், அலெக்ஸ் கேரி, ஜோஷ் ஹசில்வுட், டிராவிஸ் ஹெட், ஜோஷ் இங்லிஸ், உஸ்மான் கவாஜா, மார்னஸ் லபுஷேன், நேதன் லயன், மிட்செல் மார்ஷ், நாதன் மெக்ஸ்வீனி, ஸ்டீவன் ஸ்மித், மிட்செல் ஸ்டார்க்.