உலக டெஸ்ட் கிரிக்கெட் சாம்பியன்ஷிப் தரவரிசையில் முதலிடத்தை இழந்த இந்திய அணி

உலக டெஸ்ட் கிரிக்கெட் சாம்பியன்ஷிப் தரவரிசையில் இந்திய அணி முதலிடத்தை இழந்துள்ளது.

நியூஸிலாந்துக்கு எதிரான தொடருக்கு முன்பு வரை இந்திய அணி அதிக புள்ளிகளைப் பெற்று முதலிடத்தில் இருந்தது. இந்நிலையில் தொடரை 0-3 என்ற கணக்கில் முழுமையாக இழந்துள்ளதால் இந்திய அணி முதலிடத்தை இழந்து 2-ம் இடத்துக்கு தள்ளப்பட்டுள்ளது. இந்திய அணி தற்போது 58.33 புள்ளிகளுடன் உள்ளது. ஆஸ்திரேலிய அணி 62.50 புள்ளிகளுடன் முதலிடத்துக்கு முன்னேறியுள்ளது.

இதைத் தொடர்ந்து இந்திய அணி, ஆஸ்திரேலியாவுடன் 5 போட்டிகள் கொண்ட பார்டர்- கவாஸ்கர் டிராபி தொடரில் விளையாடவுள்ளது. இந்த தொடரில் 4 போட்டிகளில் வென்றால் மட்டுமே, இந்திய அணி உலக டெஸ்ட் கிரிக்கெட் இறுதிப் போட்டிக்கு செல்வதற்கான வாய்ப்பு கிட்டும். இந்தியாவுக்கு எதிரான தொடரை கைப்பற்றியுள்ள நியூஸிலாந்து அணி 54.55 புள்ளிகளுடன் 4-வது இடத்துக்கு முன்னேறியுள்ளது. 55.56 புள்ளிகளுடன் இலங்கை 3-வது இடத்திலும், 54.17 புள்ளிகளுடன் தென் ஆப்பிரிக்கா 5-வது இடத்திலும் உள்ளன.