தேசிய மகளிர் கால்பந்து போட்டி: சென்னை எஸ்பிஓஏ அணி கோல் மழை

சென்னை: கவரைப்பேட்டையில் உள்ள ஆர்எம்கே உண்டுஉறைவிடப்பள்ளியில் சிபிஎஸ்இ தேசிய மகளிர் கால்பந்து போட்டி நடைபெற்று வருகிறது.இதன் 2-வது நாளான நேற்று 14 வயதுக்குட்பட்டோருக்கான ஆட்டத்தில் சென்னை எஸ்பிஓஏ 15-0 என்ற கோல் கணக்கில் டெல்லி பப்ளிக் பிலாஸ்பூர் பள்ளியை தோற்கடித்தது. மற்றொரு ஆட்டத்தில் புனே சிஎம் சர்வதேச பள்ளி 12-0 என்ற கோல் கணக்கில் ஓமன் இந்திய பள்ளி அணியை வீழ்த்தியது.

எஸ்பிஓஏ தனது 2-வது ஆட்டத்தில் ஹரியானாவின் வித்யா தேவி ஜிண்டால் பள்ளியை எதிர்த்து விளையாடியது. இந்த ஆட்டம் 1-1 என்ற கோல் கணக்கில் டிராவில் முடிவடைந்தது. 17 வயதுக்கு உட்பட்டோருக்கான போட்டியில் நெய்வேலி ஜவஹர் பள்ளி அணி 0-5 என்ற கோல் கணக்கில் கோவா தி கிங்ஸ் பள்ளியிடம் தோல்வி அடைந்தது. 19 வயதுக்கு உட்பட்டோருக்கான போட்டியில் சென்னை பிஎஸ் சீனியர் பள்ளி 2-0 என்ற கோல் கணக்கில் லக்னோ ராணுவ பப்ளிக் பள்ளி அணியை வென்றது.