ஐஎஸ்எல் கால்பந்து: சென்னையின் எப்சி ஆட்டங்கள் அறிவிப்பு

சென்னை: 13 அணிகள் கலந்து கொள்ளும் ஐஎஸ்எல் கால்பந்து தொடரின் 11-வது சீசன் போட்டி வரும் செப்டம்பர் 13-ம் தேதி தொடங்குகிறது. இதில் 2017-18-ம் ஆண்டு சாம்பியனான சென்னையின் எப்சி வரும் டிசம்பர் வரை மோத உள்ள ஆட்டங்களின் விவரம் வெளியிடப்பட்டுள்ளது. இதன்படி சென்னையின் எப்சி தனது முதல் ஆட்டத்தில் செப்டம்பர் 14-ம் தேதி ஒடிசாவுடன் மோதுகிறது. இந்த ஆட்டம் புவனேஷ்வரில் நடைபெறுகிறது. தொடர்ந்து அடுத்த ஆட்டத்தில் சென்னையின் எப்சி தனது சொந்த மைதானத்தில் 26-ம் தேதி அறிமுக அணியான முகமேதன் ஸ்போர்ட்டிங் அணியுடன் பலப்பரீட்சை நடத்துகிறது.

தொடர்ந்து அக்டோபர் 1-ல் ஹைதராபாத், 17-ல் நார்த்ஈஸ்ட் யுனைட்டெட், 24-ல் கோவா, 31-ல் பஞ்சாப், நவம்பர் 4-ல் ஜாம்ஷெட்பூர், 9-ல்மும்பை, 24-ல் கேரளா, 30-ல் மோகன் பகான்,டிசம்பர் 7-ல் ஈஸ்ட் பெங்கால், 11-ல்ஹைதராபாத், 21-ல் மும்பை, 28-ல் பெங்களூருஆகிய அணிகளுடன் பலப்பரீட்சை நடத்துகிறது சென்னையின் எப்சி அணி. இதில் கோவா, மும்பை, ஈஸ்ட் பெங்கால், ஹைதராபாத், பெங்களூரு ஆகிய அணிகளுக்கு எதிரான ஆட்டங்கள் சென்னை நேரு விளையாட்டரங்கில் நடைபெறுகின்றன.