சித்திரைப் பெருவிழா: சுவாமிமலையில் 28 ஆம் தேதி கொடியேற்றம்

கும்பகோணம்: சித்திரைப் பெருவிழாவையொட்டி சுவாமிமலை சுவாமிநாத சுவாமி கோயிலில் 28-ம் தேதி கொடியேற்றம் நடைபெறுகிறது.

கும்பகோணம் வட்டம், சுவாமி மலை சுவாமிநாத சுவாமி கோயிலில் சித்திரை பெருவிழா தொடங்குகிறது. ஆண்டுதோறும் இக்கோயிலில் சித்திரைப் பெருவிழா விமரிசையாக நடைபெறுவது வழக்கம். நிகழாண்டு வரும் 28-ம் தேதி கொடியேற்றம் நடைபெறுகிறது.

விழாக்காலங்களில் சுவாமிகள் பல்வேறு வாகனங்களில் வீதியுலா புறப்பாடு நடைபெறுகிறது. பிரதான விழாவான வரும் மே 2-ம் தேதி தன்னைத்தானே பூஜித்தலும், மே 6-ம் தேதி திருத்தேரோட்டமும், 7-ம் தேதி நடராஜர்-சிவகாமியம்மாள் மாணிக்கவாசகர் தேர்க்கால் பார்த்தல், ஊடல், திருவீதியுலா மற்றும் தீர்த்தவாரி நடைபெறுகிறது. 8-ம் தேதி சுவாமிகள் விழா முடிந்து யதாஸ்தானம் செல்லுதல் நடைபெறுகிறது.