வார ராசிபலன் 08-10-2015 முதல் 14-10-2015 வரை (துலாம் முதல் மீனம் வரை)

துலாம் ராசி வாசகர்களே!

உங்கள் ராசிக்கு 6-ல் கேதுவும் 11-ல் செவ்வாயும் குருவும் சுக்கிரனும் சஞ்சரிப்பதால் எடுத்த காரியத்தில் வெற்றி கிடைக்கும். பொருளாதார நிலை திருப்திகரமாக இருந்துவரும். ஒன்றுக்கு மேற்பட்ட வழிகளில் ஆதாயம் உண்டு. இயந்திரப் பணியாளர்கள், பொறியாளர்கள் நோக்கம் நிறைவேறும். கொடுக்கல் வாஙகல் இனங்கள் லாபம் தரும். எதிரிகள் அடங்கிப் போவார்கள். வழக்கில் வெற்றி கிடைக்கும். மூத்த சகோதர, சகோதரிகளால் அனுகூலம் ஏற்படும். உத்தியோகஸ்தர்களது நிலை உயரும். ஆசிரியர்களுக்கு வரவேற்பு கூடும். உடன்பிறந்தவர்கள் உதவி புரிய முன்வருவார்கள். மக்கள் நலம் மகிழ்ச்சி தரும். மகப்பேறு பாக்கியம் உண்டாகும். திருமணம் போன்ற சுப காரியங்கள் நிகழ வாய்ப்புக் கூடிவரும். வாரப் பின்பகுதியில் சிக்கனத்தைக் கையாளவும்.

அதிர்ஷ்டமான தேதிகள்: அக்டோபர் 10, 14.

திசைகள்: வடமேற்கு, வடகிழக்கு, தெற்கு.

நிறங்கள்: மெரூன், இள நீலம், வெண்மை, பொன் நிறம், சிவப்பு.

எண்கள்: 3, 6, 7, 9.

பரிகாரம்: சூரியன், ராகுவுக்கு் பிரீதி, பரிகாரங்களைச் செய்யவும்.

விருச்சிக ராசி வாசகர்களே!

உங்கள் ராசிநாதன் செவ்வாய் 10-ல் உலவுவது விசேடமாகும். சூரியன், புதன், ராகு ஆகியோரது சஞ்சாரமும் அனுகூலமாக இருப்பதால் துணிவும் தன்னம்பிக்கையும் அதிகரிக்கும். எதிர்ப்புக்கள் விலகும். இயந்திரப் பணிகள் லாபம் தரும். உடன்பிறந்தவர்கள் தொழில் ரீதியாக உதவுவார்கள். அரசுப் பணிகள் ஆக்கம் தரும். அரசியல்வாதிகளுக்குச் செல்வாக்கும் மதிப்பும் உயரும். நிலபுலங்கள் லாபம் தரும். புதிய சொத்துக்களும் சேரும். நிர்வாகத் திறமை பளிச்சிடும். எலெக்ட்ரானிக், கம்ப்யூட்டர் துறைகள் லாபம் தரும். கணிதம், எழுத்து, பத்திரிகை, சிற்பம், ஓவியம், தரகு துறைகளில் லாபம் உண்டு. வெளிநாட்டுத் தொடர்பு பயன்படும். குழந்தைகள் நலனில் கவனம் தேவை. அலைச்சலும் உழைப்பும் அதிகரிக்கும். எதிர்பாராத செலவுகள் ஏற்படும். வயிறு, கால் மூட்டு சம்பந்தமான பிரச்னைகள் உண்டாகும்.

அதிர்ஷ்டமான தேதிகள்: அக்டோபர் 11, 12.

திசைகள்: தென்மேற்கு, வடக்கு, கிழக்கு, தெற்கு.

நிறங்கள்: சிவப்பு, வெண்சாம்பல் நிறம், பச்சை, ஆரஞ்சு.

எண்கள்: 1, 4, 5, 9.

பரிகாரம்:

சனி, கேதுவுக்குப் பரிகாரங்களைச் செய்து வருவது நல்லது. ஹனுமன் சாலீஸா படிக்கவும். விநாயகர் வழிபாடு அவசியம்.

தனுசு ராசி வாசகர்களே!

உங்கள் ராசிக்கு அதிபதி குரு 9-ல் வலுத்திருக்கிறார். சூரியன், செவ்வாய், புதன், சுக்கிரன், ராகு ஆகியோரது சஞ்சாரமும் அனுகூலமாக இருப்பதால் புனிதமான காரியங்களில் ஈடுபாடு கூடும். மலை வாசஸ்தலங்களுக்குச் சென்று மனம் மகிழ்வீர்கள். தெய்வ தரிசனமும் சாது தரிசனமும் கிடைக்கும். சுப காரியங்கள் நிகழும். உற்சாகம் பெருகும். பண நடமாட்டம் அதிகமாகும். ஸ்பெகுலேஷன் துறைகள் லாபம் தரும். வேலை தேடுவோருக்கு வாய்ப்பு கூடிவரும். பதவி உயர்வு, இடமாற்றம், ஊதிய உயர்வுக்கும் வாய்ப்புண்டு. முக்கியப் பொறுப்புக்கள் தேடிவரும். பயணத்தால் அனுகூலம் உண்டாகும். புதியவர்களது சந்திப்பும் அதனால் அனுகூலமும் உண்டாகும். வியாபாரம் பெருகும். எழுத்து, பத்திரிகை, தரகுத் துறைகளைச் சேர்ந்தவர்களுக்கு செழிப்புக் கூடும்.

அதிர்ஷ்டமான தேதிகள்: அக்டோபர் 11, 12, 14.

திசைகள்: தென்மேற்கு, வடகிழக்கு, தென்கிழக்கு, கிழக்கு, வடக்கு.

நிறங்கள்: பச்சை, புகை நிறம். வெண்மை, இளநீலம், பொன் நிறம், சிவப்பு.

எண்கள்: 1, 3, 4, 5, 6, 9.

பரிகாரம்:

சனி, கேதுவுக்கு பிரீதி செய்யவும். ஏழைகளுக்கு உதவி செய்யவும்.

மகர ராசி வாசகர்களே!

உங்கள் ராசிக்கு 3-ல் கேதுவும், 8-ல் சுக்கிரனும் 9-ல் புதனும் 11-ல் சனியும் உலவுவது நல்லது. நண்பர்கள் உங்களுக்கு உதவிபுரிய முன்வருவார்கள். எதிர்பாராமல் பொருட்சேர்க்கை நிகழும். தொலைதூரத் தொடர்பு ஆக்கம் தரும். கலைத் துறையினருக்கு வளர்ச்சி உண்டு. வியாபாரிகளுக்கு லாபம் அதிகரிக்கும். எழுத்தாளர்கள் நிலை உயரும். தொழிலில் சீரான வளர்ச்சி காணலாம். சுரங்கத் தொழில் லாபம் தரும். எண்ணெய் வகையறாக்கள், கறுப்பு நிறப்பொருட்கள், பழைய பொருட்களால் ஆதாயம் உண்டு. ஆன்மிகவாதிகளுக்கும் அறநிலையப் பணியாளர்களுக்கும் ஜோதிடர்களுக்கும் முன்னேற்றமான சூழ்நிலை நிலவிவரும். மக்களாலும் உடன்பிறந்தவர்களாலும் தந்தையாலும் சில இடர்ப்பாடுகள் ஏற்படும். அரசுப் பணிகளில் விழிப்புத் தேவை. பொருள் கொடுக்கல் வாங்கலில் எச்சரிக்கையுடன் ஈடுபடுவது நல்லது. எதிலும் விவேகத்துடன் செயல்படவும்.

அதிர்ஷ்டமான தேதிகள்:அக்டோபர் 11, 12, 14.

திசைகள்: மேற்கு, வடமேற்கு, வடக்கு, தென்கிழக்கு.

நிறங்கள்: பச்சை, நீலம், மெரூன்.

எண்கள்: 5, 6, 7, 8.

பரிகாரம்: ருத்திரனையும், முருகனையும் வழிபடுவது நல்லது.

கும்ப ராசி வாசகர்களே!

உங்கள் ராசிக்கு 7-ல் குருவும் 10-ல் சனியும் உலவுவது சிறப்பாகும். புதன் 8-ல் சஞ்சரிப்பதும் குறிப்பிடத்தக்கது. இதனால் உங்கள் அறிவாற்றல் பளிச்சிடும். வாழ்வில் முன்னேற்றம் காண நல்ல வாய்ப்புக்கள் கூடிவரும். உத்தியோகஸ்தர்க்ளுக்கும் தொழிலாளர்களுக்கும் வியாபாரிகளுக்கும் முன்னேற்றமான சூழ்நிலை நிலவிவரும். கணவன் மனைவி உறவு நிலை சீராகும். எழுத்தாளர்களுக்கும் பத்திரிகையாளர்களுக்கும் வரவேற்பு கூடும். கூட்டுத் தொழிலில் ஓரளவு வளர்ச்சி காணலாம். குடும்பத்தில் சிறுசிறு பிரச்னைகள் உருவாகும். பக்குவமாகச் சமாளிப்பது நல்லது. குடும்ப விவகாரத்தில் அந்நியர்கள் தலையீடு வேண்டாம். பேச்சிலும் செயலிலும் நிதானம் தேவை. தந்தை நலனில் அக்கறை தேவைப்படும். அரசுப் பணிகளில் விழிப்புடன் ஈடுபடுவது நல்லது.

அதிர்ஷ்டமான தேதிகள்: அக்டோபர் 10, 14.

திசைகள்: வடகிழக்கு, மேற்கு, வடக்கு.

நிறங்கள்: பச்சை, நீலம், பொன் நிறம்.

எண்கள்: 3, 5, 8.

பரிகாரம்: சர்ப்ப சாந்தி செய்துகொள்ளவும். ஆதித்ய ஹ்ருதயம் படிக்கவும் கேடகவும் செய்யலாம். தந்தை வழி உறவினர்களுக்கும் உதவி செய்யவும். .

மீன ராசி வாசகர்களே!

உங்கள் ஜன்ம ராசிக்கு 6-ல் செவ்வாய் உலவுவது சிறப்பாகும். சந்திரனின் சஞ்சாரமும் வார முன்பகுதியில் சிறப்பாக இருப்பதால் முக்கியமான காரியங்கள் இனிநே நிறைவேறும். செயலில் வேகம் கூடும். எதிர்ப்புக்கள் அடங்கும். வழக்கில் சாதகமான தீர்ப்பு கிடைக்கும். உடன்பிறந்தவர்களால் அனுகூலம் உண்டாகும். பொறியியல், சட்டம், காவல், இராணுவம் போன்ற துறைகள் ஆக்கம் தரும். மின்சாதனங்கள், வெடிப் பொருட்கள், இயந்திரத் தொழில் லாபம் தரும். கட்டடப் பொருட்களாலும் ஆதாயம் கிடைக்கும். பொருளாதாரம் சம்பந்தபபட்ட வகையில் எச்சரிக்கை தேவை. உத்தியோகஸ்தர்கள், ஆசிரியர்கள், கலைஞர்கள், ஆகியோர் பொறுப்புடன் செயல்படுவது நல்லது. அறிமுகமில்லாதவர்களை நம்பி ஏமாற வேண்டாம். பெரியவர்களின் அதிருப்திக்கு ஆளாகாமல் இருப்பது நல்லது. பிறரிடம் சுமுகமாகப் பழகவும்.

அதிர்ஷ்டமான தேதிகள்: அக்டோபர் 11, 12.

திசை: தெற்கு.

நிறம்: சிவப்பு .

எண்: 9

பரிகாரம்:

நவக்கிரகங்களை வழிபடுவது நல்லது. கோளறு திருப்பதிகம் வாசிக்கவும்.