அம்மன்குடி அழகிய தேவி

இந்தத் தலமே தேவி தபோவனம் என்ற அம்மன்குடி. இந்த ஊர் தஞ்சை மாவட்டத்தைச் சேர்ந்த கும்பகோணம் அருகில் உள்ளது. துர்க்கா தேவி இந்த ஆலயத்தில் எட்டுத் திருக்கரங்களுடன் துர்க்கா பரமேஸ்வரி என்ற திருநாமத்துடன் அருளாட்சி செய்துவருகிறாள். ஸ்ரீதேவி தரிசனத்தால், பாவம் ஒழிந்து அனைத்து வேண்டுதல்களும் நிறைவேறுகின்றன என்பது ஐதீகம். தற்போது இக்கோயிலில் திருப்பணிகள் நடைபெற்றுவருகின்றன. நவகிரகங்களுக்கு அதிதேவதையாக ஸ்ரீதுர்க்கையே விளங்குவதால், இங்கு நவகிரகங்களுக்குத் தனிச்சந்நிதி இல்லை என்பது குறிப்பிடத்தக்கது.