வார ராசி பலன் 14-05-2015 முதல் 20-05-2015 வரை (துலாம் முதல் மீனம் வரை)

துலாம் ராசி வாசகர்களே

உங்கள் ராசிக்கு 6-ல் கேதுவும், 8-ல் புதனும், 9-ல் சுக்கிரனும் சஞ்சரிப்பதால் எதிர்ப்புகள் குறையும். வாழ்வில் முன்னேற்றம் காண நல்ல வாய்ப்புகள் கூடிவரும். ஆன்மிக, அறநிலைய, ஜோதிடப் பணியாளர்களுக்கு முன்னேற்றமான சூழ்நிலை உருவாகும். வியாபாரிகளுக்கு லாபம் கூடும். மாணவர்களது நிலைமையில் வளர்ச்சி தெரியவரும். வாரப் பின்பகுதியில் சிறு சங்கடம் ஏற்படும். தீ, மின்சாரம், கூரிய ஆயுதங்கள், வாகனம், இயந்திரம் அருகே நெருங்கும்போது எச்சரிக்கை தேவை. சிறு விபத்துக்கு ஆளாக நேரலாம். அரசு விவகாரங்களில் விழிப்புத் தேவை. கலைத் துறையினருக்குச் செழிப்பான சூழ்நிலை நிலவிவரும். பெண்களுக்கு உற்சாகமான போக்கு தென்படும். புதிய ஆடை, அணிமணிகளின் சேர்க்கை நிகழும். தெய்வப் பணிகளிலும் தர்மப் பணிகளிலும் ஈடுபாடு கூடும்.

அதிர்ஷ்டமான தேதிகள்: மே 14, 15, 20 (பிற்பகல்).

திசைகள்: வடமேற்கு, வடக்கு, தென்கிழக்கு.

நிறங்கள்: மெரூன், பச்சை, இளநீலம், வெண்மை.

எண்கள்: 5, 6, 7.

பரிகாரம்:

முருகனுக்கு அர்ச்சனை செய்யவும்.

விருச்சிக ராசி வாசகர்களே

உங்கள் ராசிக்கு 6-ல் சூரியனும், 8-ல் சுக்கிரனும், 9-ல் குருவும், 11-ல் ராகுவும் உலவுவது விசேஷமாகும். தெய்வப் பணிகளில் ஈடுபாடு அதிகமாகும். எதிரிகள் அடங்குவார்கள். அரசு சம்பந்தமான காரியங்கள் சில நிறைவேறும். முக்கியஸ்தர்களது சந்திப்பு நிகழும். அதனால் அனுகூலமும் ஏற்படும். மேலதிகாரிகளின் பாராட்டு கிடைக்கும். பதவி, பட்டங்கள் தேடிவரும்.

நிர்வாகத் துறையினருக்கு நல்ல வாய்ப்புகள் உருவாகும். கணவன் மனைவி இடையே சிறுசிறு சச்சரவுகள் ஏற்பட்டு விலகும். கூட்டுத் தொழிலில் கவனம் தேவை. நிதானமாகப் பேசிப் பழகுவது நல்லது. கலைத் துறையினருக்கும் பெண்களுக்கும் அனுகூலமான சூழ்நிலை நிலவிவரும். அயல்நாட்டுத் தொடர்பு பயன்படும். வேலைப் பளு கூடும். பிள்ளைகளால் சிறு சங்கடம் ஏற்படு விலகும்.

அதிர்ஷ்டமான தேதிகள்: மே 14, 15, 19, 20 (முற்பகல்).

திசைகள்: தென்மேற்கு, வடகிழக்கு, கிழக்கு, தென்கிழக்கு.

நிறங்கள்: வெண்சாம்பல், பொன் நிறம், வான் நீலம், ஆரஞ்சு.

எண்கள்: 1, 3, 4, 6.

பரிகாரம்:

சனிப் பிரீதி செய்து கொள்வது நல்லது. விநாயகர், ஆஞ்சநேயரை வழிபடவும்.

தனுசு ராசி வாசகர்களே

உங்கள் ராசிக்கு 5-ல் சூரியனும், 6-ல் செவ்வாய், புதனும், 10-ல் ராகுவும் உலவுவது சிறப்பு. அலைச்சல் சற்றுக்கூடும். தாய் நலனில் கவனம் தேவை. பிள்ளைகளால் அளவோடு நலம் உண்டாகும். பொறியியல், சட்டம், காவல், ராணுவம் ஆகிய துறைகளைச் சேர்ந்தவர்களுக்கு முன்னேற்றமான பாதை தெரியவரும். வியாபாரிகளுக்கு லாபம் கூடும். அரசுப் பணிகள் ஆக்கம் தரும்.

நிர்வாகத் திறமை வெளிப்படும். கணிதம், எழுத்து, பத்திரிகை, சிற்பம், ஓவியம், தரகு, கமிஷன் ஏஜென்ஸி துறைகளைச் சேர்ந்தவர்கள் வளர்ச்சி காண்பர்கள். உத்தியோகஸ்தர்கள், தொழிலாளர்களுக்குச் சோதனைகள் சூழும். விரும்பத்தகாத இடமாற்றமோ, நிலைமாற்றமோ ஏற்படும். 15-ம் தேதி முதல் அரசுப் பணிகள் ஆக்கம் தரும். எதிரிகள் அடங்குவார்கள்.

அதிர்ஷ்டமான தேதிகள்: மே 14, 15, 19, 20.

திசைகள்: தென்மேற்கு, தெற்கு, கிழக்கு, வடக்கு.

நிறங்கள்: சிவப்பு, புகை நிரம். ஆரஞ்சு, பச்சை.

எண்கள்: 1, 4, 5, 9.

பரிகாரம்:

விநாயகர், ஆஞ்சநேயரை வணங்கவும். ஏழைகள், வயோதிகர்களுக்கு உதவவும்.

மகர ராசி வாசகர்களே

உங்கள் ராசிக்கு 3-ல் கேதுவும், 7-ல் குருவும், 11-ல் சனியும் உலவுவதால் வெற்றிகள் குவியும். எதிர்ப்புகள் அகலும். நல்ல வாய்ப்புகள் கூடிவரும். பண வரவு அதிகமாகும். பெரியவர்கள், தனவந்தர்களின் ஆதரவும் ஆசியும் கிடைக்கும். தெய்வப் பணிகள் நிறைவேறும். உழைப்பு வீண்போகாது. திறமைக்குரிய பயன் கிடைக்கும். தொழிலாளர்களது நிலை உயரும். உத்தியோகஸ்தர்களுக்கு நற்பெயர் கிடைக்கும்.

பதவி உயர்வு, இடமாற்றம், ஊதிய உயர்வு பெறச் சந்தர்ப்பம் கூடிவரும். பொதுநலப் பணியாளர்களது நோக்கம் நிறைவேறும். இரும்பு, எஃகு, எண்ணெய், கறுப்பு நிறப் பொருட்கள், கச்சாப் பொருட்கள் லாபம் தரும். பிள்ளைகளாலும் வாழ்க்கைத் துணைவராலும் சிறுசிறு பிரச்சினைகள் ஏற்படும். கேளிக்கைகளைத் தவிர்ப்பது நல்லது.

அதிர்ஷ்டமான தேதிகள்: மே 14, 15, 19, 20.

திசைகள்: மேற்கு, வடமேற்கு, வடகிழக்கு.

நிறங்கள்: நீலம், மெரூன்.

எண்கள்: 3, 5, 7, 8.

பரிகாரம்:

சுக்கிரனுக்கு அர்ச்சனை செய்யவும். ஸ்ரீ மகாலட்சுமி அஷ்டகம் சொல்வது நல்லது. ஏழைப் பெண்களுக்கு உதவவும்.

கும்ப ராசி வாசகர்களே

உங்கள் ராசிக்கு 3-ல் சூரியனும், 4-ல் புதனும், 5-ல் சுக்கிரனும், 10-ல் சனியும் உலவுவது சிறப்பு. முயற்சி வீண்போகாது. நல்ல நண்பர்கள் அமைவார்கள். நிலபுலங்களால் ஆதாயம் கிடைக்கும். புதிய பொருட்களும் சொத்துகளும் சேரும். கலைஞர்களுக்கு சுபிட்சம் உண்டாகும். பெண்களின் எண்ணம் ஈடேறும். மாணவர்களது நிலை உயரும். அரசியல்வாதிகள், அரசுப் பணியாளர்களின் நோக்கம் நிறைவேறும்.

வாரப் பின்பகுதியில் அதிர்ஷ்ட வாய்ப்புகள் கூடிவரும். பெண்களால் அனுகூலம் உண்டாகும். புதிய ஆடை, அணிமணிகள், அலங்காரப் பொருட்கள் சேர்க்கை நிகழும். மன உற்சாகம் பெருகும். ஒன்றுக்கு மேற்பட்ட துறைகளால் ஆதாயம் வந்து சேரும். பெற்றோர், பிள்ளைகள் நலனில் கவனம் தேவை. பேச்சிலும் உணவுப் பழக்கத்திலும் கட்டுப்பாடு தேவை.

அதிர்ஷ்டமான தேதிகள்: மே 14, 15, 19, 20.

திசைகள்: கிழக்கு, தென்கிழக்கு, மேற்கு, வடக்கு.

நிறங்கள்: வெண்மை, நீலம், பச்சை. ஆரஞ்சு.

எண்கள்: 1, 5, 6, 8.

பரிகாரம்:

குருப்பிரீதி செய்யவும். துர்க்கை, விநாயகரை தொடர்ந்து வழிபடவும்.

மீன ராசி வாசகர்களே

உங்கள் ராசிக்கு 3-ல் செவ்வாயும், 4-ல் சுக்கிரனும், 5-ல் குருவும் உலவுவது சிறப்பு. ஆன்மிகப் பணிகளில் ஈடுபாடு கூடும். குடும்ப நலம் சிறக்கும். நல்ல தகவல் வந்து சேரும். கேளிக்கை, உல்லாசங்களிலும்; விருந்து, உபசாரங்களிலும் நாட்டம் கூடும். மனதில் துணிவு கூடும். செயலில் வேகம் பிறக்கும். எடுத்த காரியங்களில் வெற்றி கிட்டும். போட்டிப் பந்தயங்கள், விளையாட்டு விநோதங்கள், வழக்குகளில் வெற்றி கிட்டும்.

பிள்ளைகள் நலம் மகிழ்ச்சி தரும். தெய்வ தரிசனமும் சாது தரிசனமும் கிடைக்கும். பொருளாதார நிலை உயரும். கலைத் துறையினருக்கு வரவேற்பு கூடும். பெண்களின் எண்ணம் ஈடேறும். புதிய ஆடை, ஆணிமணிகளும் அலங்காரப் பொருட்களும் சேரும். 15-ம் தேதி முதல் சூரியன் 3-ம் இடம் மாறுவதால் வெற்றி வாய்ப்புகள் அதிகரிக்கும்.

அதிர்ஷ்டமான தேதிகள்: மே 14, 15, 19, 20.

திசைகள்: தென்கிழக்கு, வடகிழக்கு, தெற்கு.

நிறங்கள்: இளநீலம், சிவப்பு, பொன் நிறம்.

எண்கள்: 3, 6, 9.

பரிகாரம்: ராகு, கேதுவுக்குப் பிரீதி, பரிகாரங்களைச் செய்வது நல்லது. விநாயகரை வழிபடவும்.