வார ராசிபலன் 04-09-2014 முதல் 10-09-2014 வரை (மேஷம் முதல் கன்னி வரை)

மேஷ ராசி வாசகர்களே

உங்கள் ராசிக்கு 5-ல் சுக்கிரன், 6-ல் புதன் ராகு ஆகியோர் உலவுவது சிறப்பு. சூரியன் தன் சொந்த வீட்டில் இருப்பதால் நலம் புரிவார். புதிய சொத்துக்கள், பொருட்கள் சேரும் நேரமிது. எடுத்த காரியங்கள் வெற்றி பெறும். பிள்ளைகளால் நலம் உண்டாகும். வியாபாரம், கணிதம், எழுத்து, பத்திரிகை ஆகிய துறைகளைச் சேர்ந்தவர்கள் வளர்ச்சி காண்பார்கள். சமுதாய நலப்பணிகளில் ஈடுபாடு உண்டாகும். நண்பர்கள், உறவினர்கள் உதவி புரிவார்கள். தாய் வழி உறவினர்களால் நலம் காண்பீர்கள்.

அரசியல்வாதிகளுக்கும் அரசுப்பணியாளர்களுக்கும் அனுகூலமான போக்கு தென்படும். வாரப் பின்பகுதியில் எதிர்பாராத செலவு உண்டாகும். சிக்கனம் தேவை. 7-ல் சனியும், 8-ல் செவ்வாயும் உலவுவதால் இயந்திரப் பணியாளர்கள் விழிப்புடன் இருப்பது நல்லது. கணவன்-மனைவி இடையே சிறுசிறு சலசலப்புகள் ஏற்பட்டு விலகும். சகோதர நலனில் கவனம் தேவை.

அதிர்ஷ்டமான தேதிகள்: செப்டம்பர் 4, 8, 10

திசைகள்: தென்கிழக்கு, கிழக்கு, வடக்கு, தென்மேற்கு

நிறங்கள்: வெண்மை, பச்சை, இளநீலம், வெளிர்கறுப்பு, ஆரஞ்சு

எண்கள்: 1, 4, 5, 6

பரிகாரம்: சனிபகவானை வழிபடவும். முருகனுக்கு அர்ச்சனை, ஆராதனை செய்யவும்.

ரிஷப ராசி வாசகர்களே

உங்கள் ராசிக்கு 4-ல் சுக்கிரன், 6-ல் சனி, 11-ல் கேது உலவுவதால் புதிய பதவி, பட்டங்கள் கிடைக்கும். கலைத்துறையினருக்கு நல்ல வாய்ப்புக்கள் கூடிவரும். புதிய ஆடை, அணிமணிகள் சேரும். கேளிக்கை, உல்லாசங்களில் ஈடுபாடு கூடும். ஸ்பெகுலேஷன் துறைகள் லாபம் தரும். எதிர்ப்புக்கள் குறையும். பொதுநலப் பணியாளர்களுக்குப் பாராட்டுகள் குவியும்.

ஆன்மிகவாதிகளின் எண்ணம் ஈடேறும். புதிய சொத்துக்கள் சேர வாய்ப்பு உண்டு. 3-ல் குரு இருப்பதால் பொருளாதாரம் சம்பந்தப்பட்ட இனங்களில் விழிப்புடன் இருக்கவும். பிறரால் ஏமாற்றப்படலாம். பிள்ளைகளாலும் உடன்பிறந்தவர்களாலும் சிறுசிறு பிரச்சினைகள் ஏற்படும். பக்குவமாகச் சமாளிக்கவும். 7-ல் செவ்வாய் இருப்பதால் கணவன்-மனைவி இடையே சலசலப்புகள் ஏற்படும். இருந்தாலும் செவ்வாயைக் குரு பார்ப்பதால் சலசலப்புகள் விலகும். வாரப் பின்பகுதியில் முக்கியமான ஒரு காரியம் நிறைவேறும்.

அதிர்ஷ்டமான தேதிகள்: செப்டம்பர் 8, 10

திசைகள்: வடமேற்கு, தென்கிழக்கு, கிழக்கு, மேற்கு

நிறங்கள்: ஆரஞ்சு, மெரூன், வெண்மை, பச்சை, நீலம்

எண்கள்: 1, 5, 6. 7, 8

பரிகாரம்: துர்கைக்கும் தட்சிணாமூர்த்திக்கும் நெய் விளக்கேற்றவும். சாதுக்களுக்கும் வேத விற்பன்னர்களுக்கும் உதவவும்.

மிதுன ராசி வாசகர்களே

உங்கள் ராசிக்கு 2-ல் குரு, 3-ல் சூரியன், சுக்கிரன், 4-ல் புதன், 6-ல் செவ்வாய், 10-ல் கேது உலவுவதால் வாழ்வில் முன்னேற்றம் காண நல்ல வாய்ப்புக்கள் கூடிவரும். கணவன்-மனைவி உறவு நிலை திருப்தி தரும். நல்லவர்கள் பக்கபலமாக இருப்பார்கள். நற்பணிகளில் ஈடுபாடு கூடும். மனதில் உற்சாகம் பெருகும். பணவரவு கூடும். எதிர்பாராத அதிர்ஷ்ட வாய்ப்புக்கள் கூடிவரும்.

துணிச்சலான காரியங்களில் ஈடுபடுவீர்கள். அரசியல் ஈடுபாடு ஆக்கம் தரும். கலைத்துறையினருக்குத் திறமை வீண்போகாது. வியாபாரத்தில் அபிவிருத்தி காணலாம். கணிதம், எழுத்து, பத்திரிகை ஆகிய துறைகள் ஆக்கம் தரும். நிலபுலங்கள் சேரும். சொத்துக்களால் ஆதாயம் கிடைக்கும். ஆன்மிகவாதிகள், ஆசிரியர்கள், பேராசிரியர்கள், மேடைப் பேச்சாளர்கள் மதிப்பு உயரப் பெறுவார்கள். வாரப் பின்பகுதியில் தெய்வ தரிசனம், சாது தரிசனம் கிடைக்கும். ஜலப்பொருட்கள் லாபம் தரும். தர்மப்பணிகளில் ஈடுபாடு உண்டாகும்.

அதிர்ஷ்டமான தேதிகள்: செப்டம்பர் 4, 8, 10

திசைகள்: தென்கிழக்கு, கிழக்கு, வடமேற்கு, வடக்கு, வடகிழக்கு

நிறங்கள்: இளநீலம், ஆரஞ்சு, வெண்மை, பச்சை, மெரூன், பொன் நிறம், மஞ்சள்

எண்கள்: 1, 3, 5, 6, 7, 9

பரிகாரம்: துர்கைக்கோ, காளிக்கோ நெய்விளக்கேற்றவும்.

கடக ராசி வாசகர்களே

உங்கள் ராசிக்கு 2-ல் சுக்கிரன், 3-ல் ராகு உலவுவது சிறப்பு. செவ்வாய் 5-ல் தன் சொந்த வீட்டில் அமர்ந்து குருவின் பார்வையைப் பெறுவதால் நலம் புரிவார். குடும்பத்தில் நற்காரியங்கள் நிகழும். எதிரிகள் அடங்கிப் போவார்கள். பண வரவு கூடும். பேச்சில் திறமை வெளிப்படும். புதியவர்களது தொடர்பு நலம் சேர்க்கும். அயல்நாட்டுத் தொடர்புடன் செய்யும் தொழில் விருத்தி அடையும்.

அதிர்ஷ்ட வாய்ப்புக்கள் கூடிவரும். பிள்ளைகளால் பெற்றோருக்கும் பெற்றோரால் பிள்ளைகளுக்கும் அனுகூலம் உண்டாகும். கலைஞர்களுக்கும் பெண்களுக்கும் அளவோடு நலம் உண்டாகும். ஜன்ம ராசியில் குரு இருப்பதால் அலைச்சல் கூடும். இடமாற்றம் உண்டாகும். 3-ல் புதன் உலவுவதால் வியாபாரிகள் விழிப்புடன் இருக்கவும். மாணவர்கள் படிப்பில் முழுக்கவனம் செலுத்துவது அவசியம். 4-ல் சனியும் 9-ல் கேதுவும் இருப்பதால் பெற்றோர் நலனில் கவனம் தேவை. வீண் அலைச்சலைத் தவிர்ப்பது நல்லது.

அதிர்ஷ்டமான தேதிகள்: செப்டம்பர் 4, 10

திசைகள்: தென்மேற்கு, தென்கிழக்கு, கிழக்கு

நிறங்கள்: வெண்மை, சாம்பல் நிறம், இளநீலம், ஆரஞ்சு

எண்கள்: 1, 4, 6, 9

பரிகாரம்: சனிபகவானுக்கு அர்ச்சனை, ஆராதனை செய்யவும். திருமாலை வழிபடவும். ஏழை மாணவர்கள் கல்வி பயில உதவவும்.

சிம்ம ராசி வாசகர்களே

உங்கள் ராசியில் ராசி அதிபதி சூரியனும், சுக்கிரனும் 2-ல் புதனும் 3-ல் சனியும் 4-ல் செவ்வாயும் உலவுவதால் முக்கியமான ஓரிரு எண்ணங்கள் இப்போது நிறைவேறும். பிள்ளைகள் நல முன்னேற்றத்துக்கான காரியங்களில் ஈடுபடுவீர்கள். செல்வாக்கும் மதிப்பும் உயரும். குடும்ப நலம் சீராகும். உயர் பொறுப்புக்களும் பதவிகளும் தேடிவரும். வியாபாரிகளுக்கு லாபம் கூடும்.

கணிதம், எழுத்து, பத்திரிகை துறைகள் ஆக்கம் தரும். பொது நலப்பணியாளர்கள் புகழ் பெறுவார்கள். தொழிலாளர்களது நிலை உயரும். விவசாயிகளுக்கு மகசூல் கூடும். எதிரிகள் அடங்கிப்போவார்கள். நிலம், மனை, வீடு, வாகனங்களின் சேர்க்கை நிகழும். 2-ல் ராகு, 8-ல் கேது, 12-ல் குரு உலவுவதால் அந்நியர்களிடம் விழிப்புடன் பழகவும். வீண்செலவுகளைத் தவிர்க்கவும். பேச்சில் நிதானத்தைக் கடைப்பிடிக்கவும். உணவுப் பழக்கத்தில் கட்டுப்பாடு தேவை. வாரப்பின் பகுதியில் எதிலும் யோசித்து ஈடுபடவும்.

அதிர்ஷ்டமான தேதிகள்: செப்டம்பர் 4, 8

திசைகள்: தென்கிழக்கு, வடக்கு, தெற்கு, மேற்கு, கிழக்கு

நிறங்கள்: ஆரஞ்சு, நீலம், பச்சை, சிவப்பு, வெண்மை

எண்கள்: 1, 5, 6, 8, 9

பரிகாரம்: துர்கையையும், விநாயகரையும் வழிபடவும். பெரியவர்களிடம் பணிவன்புடன் பழகவும். அவர்களது அதிருப்திக்கு ஆளாகாமல் இருப்பது அவசியம்.

கன்னி ராசி வாசகர்களே

உங்கள் ராசிக்கு 3-ல் செவ்வாய், 11-ல் குரு உலவுவது சிறப்பு. புதன் ஜன்ம ராசியில் உலவுவதால் நலம் புரிவார். மதிப்பும் அந்தஸ்தும் உயரும். திட, வீர, பராக்கிரமம் வெளிப்படும். போட்டிகளில் வெற்றி கிட்டும். எதிரிகள் ஓடி ஒளிவார்கள். மனதில் துணிவும் தன்னம்பிக்கையும் அதிகரிக்கும். நிலம், மனை, வீடு, வாகனங்களின் சேர்க்கையோ, அவற்றால் ஆதாயமோ கிடைக்கும். நண்பர்கள் உதவுவார்கள். பொறியியல், சட்டம், காவல், ராணுவம் ஆகிய துறைகளைச் சேர்ந்தவர்கள் சாதனைகள் பல புரிவர்.

பொன் நிறப் பொருட்கள் லாபம் தரும். பணப் புழக்கம் அதிகரிக்கும். ஜலப்பொருட்களால் ஆதாயம் வந்து சேரும். ஜன்ம ராசியில் ராகு, 2-ல் சனி, 7-ல் கேது இருப்பதால் அலைச்சல் அதிகரிக்கும். கணவன்-மனைவி இடையே கருத்து வேறுபாடுகள் ஏற்படும். 12-ல் சூரியனும் சுக்கிரனும் இருப்பதால் கண் சம்பந்தமான உபாதைகள் ஏற்படும். தந்தையாலும் அரசாங்கத்தாராலும் செலவுகள் அதிகரிக்கும். வாழ்க்கை வசதிகளைப் பெருக்கிக் கொள்ளவும் செலவு செய்வீர்கள்.

அதிர்ஷ்டமான தேதிகள்: செப்டம்பர் 4, 8, 10

திசைகள்: வடகிழக்கு, தென்கிழக்கு, வடக்கு, தெற்கு

நிறங்கள்: வெண்மை, இளநீலம், பச்சை, பொன் நிறம், சிவப்பு

எண்கள்: 3, 5, 6, 9

பரிகாரம்: சர்ப்ப சாந்தி செய்து கொள்ளவும். ஆதித்தனையும் சனிபகவானையும் வழிபடவும்.பார்வையில்லாதவர்களுக்கு உதவுவது நல்லது.