வார ராசிபலன் 24-07-2014 முதல் 30-07-2014 வரை (துலாம் முதல் மீனம் வரை)

துலாம் ராசிக்காரர்களே

உங்கள் ராசிக்கு 6-ல் கேது, 9-ல் சுக்கிரன், 0-ல் சூரியன், புதன் சஞ்சரிப்பதால் தொலைதூரத் தொடர்பு பயன்படும். தர்ம சிந்தனை வளரும். தந்தையால் அனுகூலம் உண்டாகும். கலைத்துறையினருக்கு நல்ல வாய்ப்புகள் கூடிவரும். பெண்களின் நோக்கம் நிறைவேறும். புதிய ஆடை, அணிமணிகளின் சேர்க்கை நிகழும். அரசியல் ஈடுபாடு ஆக்கம் தரும். முக்கியஸ்தர்களின் உதவி கிடைக்கும்.

வியாபாரம் விருத்தியாகும். ஜலப்பொருட்கள் லாபம் தரும். நிறுவன, நிர்வாகத்துறைகளைச் சேர்ந்தவர்கள் வளர்ச்சி காண்பார்கள். உயர் பதவிகள் சிலருக்கு கிடைக்கும். எதிர்ப்புக்களைச் சமாளிக்கும் சக்தி பிறக்கும். நண்பர்கள், உறவினர்கள் ஆதரவாக இருப்பார்கள். நீண்ட நாட்களாக நினைத்த ஒரு காரியம் நிறைவேறும்.

அதிர்ஷ்டமான தேதிகள்: ஜூலை 26, 29, 30 | திசைகள்: வடமேற்கு, வடக்கு, தென்கிழக்கு, கிழக்கு

நிறங்கள்: மெரூன், பச்சை, வெண்மை, இளநீலம், ஆரஞ்சு | எண்கள்: 1, 5, 6, 7

பரிகாரம்: துர்கைக்கு நெய் விளக்கேற்றி வழிபடவும்.

விருச்சிக ராசிக்காரர்களே

உங்கள் ராசிக்கு 8-ல் சுக்கிரன், 9-ல் குரு, 11-ல் ராகு சஞ்சரிப்பது விசேஷமாகும். எதிர்பாராத பொருட் சேர்க்கை நிகழும். குடும்பத்தில் மகிழ்ச்சி நிறைந்திருக்கும். மனத்தில் உற்சாகம் பெருகும். கணவன்-மனைவி உறவு நிலை சீராக இருந்துவரும். தொலைதூரத் தொடர்பு பயன்படும். தந்தையாலும் பிள்ளைகளாலும் அனுகூலம் உண்டாகும். தெய்வப் பணிகள் நிறைவேறும்.

பிறருக்கு உதவி செய்ய முன்வருவீர்கள். ஜலப்பொருட்கள் லாபம் தரும். எழுத்தாளர்களுக்கும் பத்திரிகையாளர்களுக்கும் வரவேற்பு கூடும். காரியத்தில் வெற்றி கிட்டும். பயணத்தால் அனுகூலம் உண்டாகும். மூதாதையர் சொத்துக்கள் கிடைக்கும். அதிர்ஷ்ட வாய்ப்புக்கள் அதிகரிக்கும். அரசியல் ஈடுபாடு ஆக்கம் தரும். மதிப்பும் அந்தஸ்தும் உயரும். பெரியவர்களும் தனவந்தர்களும் மேலதிகாரிகளும் உங்களுக்கு ஆதரவாக இருப்பார்கள். வாரப் பின்பகுதியில் எண்ணம் ஈடேறும்.

அதிர்ஷ்டமான தேதிகள்: ஜூலை 26 (பிற்பகல்), 29, 30 | திசைகள்: வடகிழக்கு, தென்மேற்கு, தென்கிழக்கு

நிறங்கள்: பொன் நிறம், சிவப்பு, வெண்சாம்பல் நிறம், பச்சை, இளநீலம் | எண்கள்: 3, 4, 6

பரிகாரம்: சுப்பிரமணியரையும், ஆஞ்சநேயரையும் வழிபடவும்.

தனுசு ராசிக்காரர்களே

உங்கள் ராசிக்கு 8-ல் புதன், 10-ல் ராகு, 11-ல் செவ்வாய், சனியும் உலவுவதால் வியாபாரம் பெருகும். மாணவர்களது நிலை உயரும். ஆராய்ச்சிகளில் ஈடுபாடு உள்ளவர்கள் புதிய கண்டுபிடிப்புகளின் மூலம் பெயரும் புகழும் பெறுவார்கள். எழுத்தாளர்களுக்கும் பத்திரிகையாளர்களுக்கும் வரவேற்பு அதிகரிக்கும். ஆயுள் காப்பீடு, விபத்து காப்பீடு போன்ற இனங்களைச் சேர்ந்தவர்களுக்கு வருவாய் கூடும்.

குடும்ப நலம் சீராகவே இருக்கும். வாரப் பின்பகுதியில் தொலைதூரத் தொடர்பால் நலம் உண்டாகும். தான, தர்ம காரியங்களில் ஈடுபாடு கூடும். கணவன் மனைவியிடையே சிறுசிறு கருத்து வேறுபாடுகள் ஏற்பட்டு விலகும். அரசியல்வாதிகள், அரசுப்பணியாளர்கள் தங்கள் கடமைகளைச் சரிவர ஆற்றிவருவது நல்லது. தந்தை நலனில் கவனம் தேவை.

அதிர்ஷ்டமான தேதிகள்: ஜூலை 26 (முற்பகல்), 29, 30 | திசைகள்: தெற்கு, தென்மேற்கு, மேற்கு, வடக்கு

நிறங்கள்: நீலம், சிவப்பு, புகை நிறம், பச்சை | எண்கள்: 4, 5, 8, 9

பரிகாரம்: ஆதித்ய ஹ்ருதயம் பாராயணம் செய்யவும். பெரியவர்களது மனம் குளிரும்படியான காரியங்களில் ஈடுபடவும்.

மகர ராசிக்காரர்களே

உங்கள் ராசிக்கு 3-ல் கேது, 7-ல் குரு, 10-ல் செவ்வாய், சனி உலவுவதால் மனதில் துணிவும் தன்னம்பிக்கையும் கூடும். எதிரிகள் ஓடி ஒளிவார்கள். போட்டிப் பந்தயங்கள், விளையாட்டு விநோதங்களில் வெற்றி கிட்டும். வழக்கில் சாதகமான திருப்பம் உண்டாகும். நல்லவர்கள் உங்களுக்கு உதவி புரிய முன்வருவார்கள். நற்காரியங்களில் ஈடுபாடு கூடும்.

பயணத்தால் அனுகூலம் உண்டாகும். இயந்திரப்பணிகள் லாபம் தரும். ஜலப்பொருட்களால் ஆதாயம் கிடைக்கும். சுக்கிரன் 6-லும், சூரியன், புதன் 7-லும் இருப்பதால் வாழ்க்கைத்துணையின் நலனில் கவனம் தேவை. கலைஞர்கள், வியாபாரிகள் பொறுப்புடன் பணியாற்றுவது நல்லது. ஆண்களுக்குப் பெண்களால் சங்கடம் உண்டாகும். கேளிக்கை, உல்லாசங்களைத் தவிர்க்கவும். வயிறு, முதுகு சம்பந்தமான உபாதைகள் ஏற்படும். பிறரிடம் சுமுகமாகப் பழகுவது நல்லது.

அதிர்ஷ்டமான தேதிகள்: ஜூலை 26, 28 சுமாரானவை | திசைகள்: வடகிழக்கு, மேற்கு, தெற்கு, வடமேற்கு

நிறங்கள்: இளநீலம், வெண்மை, பொன் நிறம் | எண்கள்: 3, 7, 8, 9

பரிகாரம்: சுக்கிரனுக்குப் பிரீதியாக பராசக்தியையும் மகாலட்சுமியையும் வழிபடுவது நல்லது.

கும்ப ராசிக்காரர்களே

உங்கள் ராசிக்கு 5-ல் சுக்கிரன், 6-ல் சூரியன், புதன், உலவுவது சிறப்பு. திடீர் அதிர்ஷ்ட வாய்ப்புக்கள் கூடும். பெண்களால் அனுகூலம் உண்டாகும். கணவன்-மனைவி உறவு நிலை சீராக இருக்கும். கலைத்துறையினருக்கு நல்ல வாய்ப்புகள் கூடிவரும். அரசியல்வாதிகள், அரசுப்பணியாளர்கள் வளர்ச்சி காண்பார்கள். நிர்வாக ஆற்றல் கூடும். எலெக்ட்ரானிக், கம்ப்யூட்டர் இனங்கள் லாபம் தரும்.

கடல் சார்ந்தத் தொழிலில் அபிவிருத்தி காணலாம். வியாபாரிகளுக்கு லாபம் கூடும். குரு பலம் குறைந்திருப்பதால் சுபக் காரியங்கள் தடை ஏற்படும். ஆசிரியர்கள், ஆன்மிகவாதிகள், உத்தியோகஸ்தர்கள் தங்கள் கடமைகளைச் சரிவர செய்வது நல்லது. பொருள் கொடுக்கல்-வாங்கலில் விழிப்புத் தேவை. 2-ல் கேது, 8-ல் ராகு இருப்பதால் பயணத்தின்போது விழிப்புத் தேவை. குடும்பத்தில் சிறுசிறு பிரச்சினைகள் ஏற்படும். பக்குவமாகப் பேசிச் சமாளிப்பது நல்லது.

அதிர்ஷ்டமான தேதிகள்: ஜூலை 26, 29, 30 | திசைகள்: தென்கிழக்கு, வடக்கு, கிழக்கு

நிறங்கள்: பச்சை, இளநீலம், வெண்மை, ஆரஞ்சு | எண்கள்: 1, 5, 6

பரிகாரம்: வேதம் படித்தவர்களுக்கும் படிப்பவர்களுக்கும் உதவி செய்யவும். நாகரை வழிபடவும்.

மீன ராசிக்காரர்களே

உங்கள் ராசிக்கு 4-ல் சுக்கிரன், 5-ல் குரு சஞ்சரிப்பதால் நண்பர்கள், உறவினர்களது தொடர்பு ஓரளவு பயன்படும். கேளிக்கை, உல்லாசங்களில் ஈடுபாடு கூடும். புதிய ஆடை, அணிமணிகள், அலங்காரப் பொருட்களின் சேர்க்கை நிகழும். சுகானுபவம் உண்டாகும். கலைஞர்களின் நிலை உயரும். பெண்களின் எண்ணம் ஈடேறும். மக்களால் மன மகிழ்ச்சி கூடும். ஸ்பெகுலேஷன், கொடுக்கல்-வாங்கல் இனங்கள் லாபம் தரும்.

அறிவாற்றல் பளிச்சிடும். ஜலப்பொருட்கள் ஆதாயம் தரும். ஆசிரியர்கள், ஆன்மிகவாதிகள், உத்தியோகஸ்தர்கள் தங்கள் நிலை உயரப் பெறுவார்கள். கடல் வாணிபம் லாபம் தரும். மாணவர்கள் வளர்ச்சி காண்பார்கள். இயந்திரப்பணியாளர்கள் விழிப்புடன் செயல்படுவது நல்லது. உடன்பிறந்தவர்களால் மன அமைதி குறையும். கோபத்தைக் குறைத்துக் கொண்டு மற்றவர்களிடம் அன்புடன் பழகினால் நலம் கூடப் பெறலாம்.

அதிர்ஷ்டமான தேதிகள்: ஜூலை 26, 29, 30 | திசைகள்: தென்கிழக்கு, வடகிழக்கு

நிறங்கள்: இளநீலம், வெண்மை, பொன் நிறம் | எண்கள்: 3, 6

பரிகாரம்: சூரிய வழிபாடு நலம் தரும்