வார ராசி பலன் 01-09-2016 முதல் 07-09-2016 வரை (மேஷம் முதல் கன்னி வரை)

மேஷ ராசி வாசகர்களே

உங்கள் ராசிக்கு 11-ல் கேது உலவுவது சிறப்பாகும். 5-ல் சூரியன் இருந்தாலும்தன் சொந்த வீட்டில் இருப்பதால் நலம் புரிவார். இதர கிரகங்களின் சஞ்சாரம் சிறப்பாக இல்லை. நிர்வாகத்துறையினருக்கும் அரசுப் பணியாளர்களுக்கும் திறமைக்குரிய பயன் கிடைத்துவரும். மக்களாலும் தந்தையாலும் நலம் உண்டாகும். எதிர்ப்புகளைச் சமாளிப்பீர்கள். எலக்ட்ரானிக், கம்ப்யூட்டர் துறையினருக்கு வருவாய் வரும். செலவுகள் சற்று அதிகரிக்கும். சிக்கன நடவடிக்கை தேவை. கலைஞர்களுக்கும் மாதர்களுக்கும் பிரச்சினைகள் சூழும். உத்தியோகஸ்தர்கள் பொறுப்புடன் செயல்படுவது நல்லது. கணவன் மனைவியிடையே கருத்து வேறுபாடுகள் ஏற்படும். சகிப்புத்தன்மை தேவை. கொடுக்கல் வாங்கலில் கவனம் தேவை. குடும்ப நலம் கவனிக்கப்பட வேண்டிவரும். கூட்டாளிகளால் அனுகூலமிராது.

அதிர்ஷ்டமான தேதிகள்: செப்டம்பர் 1, 4, 5.

திசைகள்: கிழக்கு, வடமேற்கு.

‎நிறங்கள்: மெரூன், ஆரஞ்சு.

எண்கள்: 1, 7.‎

பரிகாரம்: குரு, சுக்கிரன் ஆகியோருக்கு அர்ச்சனை, ஆராதனைகள் செய்யவும்.

ரிஷப ராசி வாசகர்களே

உங்கள் ராசிக்கு 4-ல் புதனும் 5-ல் குருவும் சுக்கிரனும் 10-ல் கேதுவும் உலவுவது நல்லது. புதிய பொருட்களும் சொத்துகளும் சேரும். நண்பர்கள் உதவுவார்கள். புதிய பதவிகளும் பட்டங்களும் கிடைக்கும். நல்லவர்கள் நலம் பல புரிவார்கள். தெய்வப் பணிகளில் ஈடுபாடு உண்டாகும். மந்திர சாஸ்திரங்களில் நாட்டம் அதிகரிக்கும். மகப்பேறு பாக்கியம் கிடைக்கும். மக்களால் அனுகூலம் உண்டாகும். சுப காரியங்கள் நிகழ வாய்ப்பு கூடிவரும். மனமகிழ்ச்சி பெருகும். அதிர்ஷ்ட வகையில் ஆதாயம் கிடைக்கும். கொடுக்கல் வாங்கல் லாபம் தரும். கலைஞர்கள், உத்தியோகஸ்தர்கள், ஆன்மிகவாதிகள், ஆசிரியர்கள் நிலை உயரப் பெறுவார்கள். எதிர்ப்புகள் கட்டுக்குள் அடங்கி இருக்கும். வியாபாரத்தில் வளர்ச்சி காணலாம். மருத்துவர்களுக்கு நற்பெயர் கிடைக்கும்.

அதிர்ஷ்டமான தேதிகள்: செப்டம்பர் 1, 4, 5.

திசைகள்: வடமேற்கு, தென்கிழக்கு, வடக்கு, வடகிழக்கு.

நிறங்கள்: மெரூன்,வெண்மை, இளநீலம், பச்சை, பொன் நிறம்.

எண்கள்:3, 5, 6, 7

பரிகாரம்:

ராகு காலத்தில் துர்க்கை அம்மனை வழிபடுவது நல்லது.

மிதுன ராசி வாசகர்களே

உங்கள் ராசிக்கு 3-ல் சூரியனும் ராகுவும், 4-ல் சுக்கிரனும் 6-ல் செவ்வாயும் சனியும் உலவுவது நல்லது. நிர்வாகத் திறமையாலும் செயல்வேகத்தாலும் ஓரிரு சாதனைகளை ஆற்றுவீர்கள். அரசாங்கத்தாரால் எதிர்பார்த்திருந்த காரியம் நிறைவேறும். முக்கியஸ்தர்களும் மேலதிகாரிகளும் உங்களுக்கு உதவுவார்கள். அயல்நாட்டுத் தொடர்பு பயன்படும். கலைஞர்களது நிலை உயரும். மாதர்களது எண்ணம் நிறைவேறும். கேளிக்கை, உல்லாசங்களில் ஈடுபாடு கூடும். சொத்துக்கள் மூலம் வருவாய் கிடைத்துவரும். பயணம் பயன்படும். வியாபாரிகள் விழிப்புடன் செயல்படுவது நல்லது. மாணவர்கள் படிப்பில் அதிக கவனம் செலுத்தினால் வளர்ச்சி காணலாம். தந்தை நலனில் அக்கறை தேவை. நண்பர்கள், உறவினர்களால் செலவுகள் ஏற்படும். மக்களுக்காக சுபச்செலவுகளை மேற்கொள்ள வேண்டிவரும்.

அதிர்ஷ்டமான தேதிகள்: செப்டம்பர் 1, 4, 5, 6.

திசைகள்: தென்மேற்கு, தென்கிழக்கு, கிழக்கு.

நிறங்கள்: புகை நிறம், வெண்மை, இளநீலம், ஆரஞ்சு.

எண்கள்: 1, 4, 6.

பரிகாரம்: திருமலை  வேங்கடேசனை வழிபடவும்.

கடக ராசி வாசகர்களே

உங்கள் ராசிக்கு 2-ல் புதனும் 3-ல் சுக்கிரனும் உலவுவது நல்லது. சூரியனும் செவ்வாயும் நலம் புரிவார்கள். செல்வாக்கும் மதிப்பும் உயரும். அரசுப் பணிகள் ஆக்கம் தரும். நிர்வாகத்திறமை கூடும். வியாபாரத்தில் வளர்ச்சி காண வழிபிறக்கும். எலெக்ட்ரானிக், கம்ப்யூட்டர் துறையினருக்கு வருவாய் கிடைத்துவரும். கலைத் துறையினருக்குத் திறமைக்குரிய பயன் கிடைக்கும். மாதர்களது எண்ணம் நிறைவேறும். நெருங்கிய நண்பர்கள் உதவுவார்கள். தகவல் தொடர்பு லாபம் தரும். குடும்பத்தில் சிறுசிறு சச்சரவுகள் ஏற்பட்டு விலகும். கொடுக்கல் வாங்கலில் கவனம் தேவை. தொழிலதிபர்கள் விழிப்புடன் செயல்படுவது நல்லது. உத்தியோகஸ்தர்களுக்குப் பிரச்னைகள் ஏற்படும். ஆசிரியர்கள், ஆன்மிகவாதிகள் ஆகியோர் பொறுப்புடன் செயல்படுவது அவசியமாகும். புதியவர்களிடம் அதிகம் நெருக்கம் வேண்டாம்.

அதிர்ஷ்டமான தேதிகள்: செப்டம்பர் 1, 4, 5, 6.

திசைகள்: வடக்கு, தென்கிழக்கு.

நிறங்கள்: வெண்மை, பச்சை, இளநீலம்.

எண்கள்: 1, 5, 6, 9.

பரிகாரம்: துர்க்கையையும், தட்சிணாமூர்த்தியையும் வழிபடுவது நல்லது.

சிம்ம ராசி வாசகர்களே

உங்கள் ராசிக்கு 2-ல் குருவும் சுக்கிரனும் உலவுவது சிறப்பாகும். சூரியனும் செவ்வாயும் நலம் புரிவார்கள். அலைச்சல் கூடும் என்றாலும் அதற்கான பயன் கிடைக்கும். செல்வாக்கும் மதிப்பும் உயரும். ஆராய்ச்சிகளில் ஈடுபாடுகூடும். அரசியல் ஈடுபாடு ஆக்கம் தரும். முக்கியஸ்தர்களின் சந்திப்பு நிகழும். குடும்பத்தில் குதூகலம் நிறைந்திருக்கும். சுபகாரியங்கள் நிகழ வாய்ப்பு கூடிவரும். விருந்து, உபசாரங்களில் ஈடுபாடு உண்டாகும். பேச்சில் திறமை வெளிப்படும். முக வசீகரம் கூடும். கலைத் துறை ஊக்கம் தரும். ஒன்றுக்கு மேற்பட்ட வகையில் வருவாய் வந்து சேரும். கொடுத்த வாக்கைக் காப்பாற்றுவீர்கள். ஆசிரியர்கள், பேராசிரியர்கள், மதபோதகர்கள், சட்ட வல்லுனர்கள், மேடைப் பேச்சாளர்கள் ஆகியோர் தங்கள் நிலை உயரப் பெறுவார்கள். உத்தியோகஸ்தர்களது நோக்கம் நிறைவேறும்.

அதிர்ஷ்டமான தேதிகள்: செப்டம்பர் 1, 4, 5.

திசைகள்: தென்கிழக்கு, வடகிழக்கு.

நிறங்கள்: இளநீலம், வெண்மை, பொன் நிறம்.

எண்கள்: 1, 3, 6, 9.

பரிகாரம்: துர்க்கையையும் விநாயகரையும் வழிபடுவது நல்லது.

கன்னி ராசி வாசகர்களே

உங்கள் ராசியில் சுக்கிரனும் 3-ல் செவ்வாயும் சனியும், 6-ல் கேதுவும் உலவுவதால் தோற்றப் பொலிவு கூடும். புதிய பொருட்களின் சேர்க்கை நிகழும். கலைத் துறையினருக்கு வரவேற்பு அதிகரிக்கும். மாதர்களது எண்ணம் நிறைவேறும். துணிச்சலான காரியங்களில் ஈடுபட்டு வெற்றி பெறுவீர்கள். மனத்தில் தெளிவு பிறக்கும். இயந்திரப் பணிகள் லாபம் தரும். ஆன்மிக, அறநிலையப் பணியாளர்கள் வளர்ச்சி காண்பார்கள். இடமாற்றம், நிலைமாற்றம் ஆகியவை உண்டாகும். ராசிக்கு 12-ல் சூரியன், புதன், ராகு ஆகியோர் உலவுவதால் எதிர்பாராத செலவுகள் ஏற்படும். சிக்கனத்தைக் கடைப்பிடிப்பது நல்லது. அரசுப் பணிகளில் விழிப்புத் தேவை. வியாபாரிகள் அகலக்கால் வைக்கலாகாது. பயணத்தின்போது பாதுகாப்பு அவசியமாகும். கண், கால் சம்பந்தமான உபாதைகள் ஏற்படும்.

அதிர்ஷ்டமான தேதிகள்: செப்டம்பர் 4, 5.

திசைகள்: தென்கிழக்கு, மேற்கு.

நிறங்கள்: வெண்மை, இளநீலம், மெரூன்.

எண்கள்: 6, 7, 8, 9.

பரிகாரம்: துர்க்கைக்கோ, காளிக்கோ நெய் தீபமேற்றி வழிபடவும்.