வார ராசி பலன் 09-07-2015 முதல் 15-07-2015 வரை (மேஷம் முதல் கன்னி வரை)

மேஷ ராசி வாசகர்களே

உங்கள் ராசிக்கு அதிபதி செவ்வாய் 3-ல் சூரியனுடன் கூடி உலவுவது விசேஷம். குருவும் சுக்கிரன் 5-லும், ராகு 6-லும் உலவுவது நலம் தரும். வாரத்தின் முதல் இரண்டு நாட்கள் சாதாரணமாக இருந்தாலும் அதன்பிறகு நல்ல திருப்பம் ஏற்படும். மன மகிழ்ச்சி உண்டாகும். பண வரவு கூடும். குடும்பத்தில் நற்காரியங்கள் நிகழும். மகப்பேறு பாக்கியம் உண்டாகும்.

எதிர்ப்புகள் விலகும். போட்டி பந்தயம், விளையாட்டு, வழக்கு ஆகியவற்றில் வெற்றி காணச் சந்தர்ப்பம் கூடிவரும். உடன்பிறந்தவர்களாலும் வாழ்க்கைத்துணைவியாலும் அனுகூலம் உண்டாகும். அரசியல், நிர்வாகம், பொறியியல், சட்டம், காவல், ராணுவம் போன்ற துறைகளைச் சேர்ந்தவர்கள் ஏற்றம் காண்பார்கள். முக்கியஸ்தர்களது சந்திப்பும் அதனால் அனுகூலமும் ஏற்படும். துணிச்சலான காரியங்களில் ஈடுபாடு கூடும்.

அதிர்ஷ்டமான தேதிகள்: ஜூலை 12, 13.

திசைகள்: வடகிழக்கு, தென்மேற்கு, தென்கிழக்கு, கிழக்கு, தெற்கு.

நிறங்கள்: சிவப்பு, ஆரஞ்சு, புகை நிறம், பொன்நிறம், இளநீலம், வெண்மை.

எண்கள்: 1, 3, 4, 6, 9. ‎

பரிகாரம்:

விநாயகர், ஆஞ்சநேயரை வழிபடவும்.

ரிஷப ராசி வாசகர்களே

உங்கள் ராசிக்கு 2-ல் புதனும், 4-ல் சுக்கிரனும், 6-ல் சனியும், 11-ல் கேதுவும் உலவுவது சிறப்பு. முக்கியமான எண்ணங்கள் ஒன்றிரண்டு இப்போது நிறைவேறும். தியானம், யோகா, அறநிலையம், ஆன்மிகம் சம்பந்தமான இனங்களைச் சேர்ந்தவர்களுக்கு முன்னேற்றமான சூழ்நிலை நிலவிவரும். செலவுகள் சற்று அதிகரிக்கும். சிக்கனம் தேவை.

கலைஞர்களுக்கு வரவேற்பு அதிகரிக்கும். புதிய ஒப்பந்தங்கள் ஏற்படும். ஆடை, அணிமணிகள், அலங்காரப்பொருட்கள், வாசனைத் திரவியங்கள் ஆகியவற்றின் சேர்க்கையோ, அவற்றால் ஆதாயமோ கிடைக்கும். பெண்களால் அனுகூலம் உண்டாகும். வாழ்க்கைத் துணை நலம் சிறக்கும். வியாபாரம், கணிதம், எழுத்து, பத்திரிகை, தரகு ஆகிய துறைகளைச் சேர்ந்தவர்கள் வளர்ச்சி காண்பார்கள். 15-ம் தேதி முதல் வியாபாரிகள் விழிப்புடன் செயல்படுவது அவசியம்.

அதிர்ஷ்டமான தேதிகள்: ஜூலை 12, 13.

திசைகள்: வடமேற்கு, வடக்கு, தென்கிழக்கு, மேற்கு.

நிறங்கள்: பச்சை, மெரூன், வெண்மை, இளநீலம்.

எண்கள்: 5, 6, 7. 8.

பரிகாரம்:

திருமுருகன், துர்கையை வழிபடுவது நல்லது.

மிதுன ராசி வாசகர்களே

உங்கள் ராசிநாதன் புதன் ஜன்ம ராசியிலேயே உலவுவது சிறப்பு. 3-ல் சுக்கிரனும், 10-ல் கேதுவும் உலவுவதால் செய்து வரும் தொழிலில் சீரான வளர்ச்சியைக் காணலாம். பக்தி மார்க்கத்திலும் ஞான மார்க்கத்திலும் ஈடுபாடு கூடும். அதனால், மனத்தெளிவும் பிறக்கும். வியாபாரம், கணிதம், எழுத்து, பத்திரிகை துறைகளைச் சேர்ந்தவர்கள் திறமைக்குரிய பலனை அடைவார்கள்.

எலெக்ட்ரானிக்ஸ், எலக்ட்ரிக்கல் துறையில் லாபம் கிடைக்கும். கலைத்துறையினருக்கு எதிர்ப்புகள் இருந்தாலும் அதையும் தாண்டி வெற்றி பெறுவார்கள். ஆன்மிகவாதிகளுக்கு மதிப்பு உயரும். ஜன்ம ராசியில் சூரியனும் செவ்வாயும் இருப்பதால் உஷ்ணாதிக்கத்தைக் குறைத்துக்கொள்வது நல்லது. 3-ல் குரு இருப்பதால் பொருளாதாரம் சம்பந்தமான விஷ்யங்களில் அதிக கவனம் தேவை.

அதிர்ஷ்டமான தேதிகள்: ஜூலை 12, 13.

திசைகள்: தென்கிழக்கு, வடமேற்கு.

நிறங்கள்: வான்நீலம், மெரூன்.

எண்கள்: 5, 6, 7.

பரிகாரம்:

துர்கை, ஆஞ்சநேயரை வழிபடுவது நல்லது.

கடக ராசி வாசகர்களே

உங்கள் ஜன்ம ராசிக்கு 2-ல் குருவும் சுக்கிரனும் 3-ல் ராகுவும் உலவுவதால் தெய்வப் பணிகளிலும் தர்மப்பணிகளிலும் ஈடுபாடு அதிகமாகும். தொலைதூரத் தொடர்பு பயன்படும். செய்து வரும் தொழில் விருத்தி அடையும். முக்கியமான ஓரிரு எண்ணங்கள் இப்போது நிறைவேறும். குடும்பத்தில் குதூகலம் கூடும். விருந்து, உபசாரங்களிலும்; கேளிக்கை, உல்லாசங்களிலும் ஈடுபாடு அதிகரிக்கும்.

கலைத் துறையினருக்கு வெற்றி வாய்ப்புகள் அதிகமாகும். பேச்சில் இனிமையும் திறமையும் கூடும். முக வசீகரம் அதிகரிக்கும். பெண்களால் அனுகூலம் உண்டாகும். வாழ்க்கைத்துணைவரால் நலம் ஏற்படும். கூட்டாளிகள் ஒத்துழைப்புக் கொடுப்பார்கள். வாரக் கடைசியில் செலவுகள் சற்று அதிகரிக்கும். சிக்கன நடவடிக்கை தேவை. இடமாற்றமும் நிலைமாற்றமும் உண்டாகும்.

அதிர்ஷ்டமான தேதிகள்: ஜூலை 12, 13.

திசைகள்: வடகிழக்கு, தென்மேற்கு, தென்கிழக்கு.

நிறங்கள்: புகை நிறம், இளநீலம், பொன் நிறம்.

எண்கள்: 3, 4, 6.

பரிகாரம்: ஆஞ்சநேயர், விநாயகரை வழிபடவும். சூரிய நமஸ்காரம் செய்வது நல்லது.

சிம்ம ராசி வாசகர்களே

உங்கள் ராசிநாதன் சூரியன் லாப ஸ்தானத்தில் செவ்வாய், புதன் ஆகியோருடன் கூடி உலவுவது மிகவும் சிறப்பு. குரு ஜன்ம ராசியில் இருந்தாலும் அவரது பார்வை 5, 7, 9-ம் இடங்களுக்குப் பதிவது குறிப்பிடத்தக்கது. சுக்கிரன் ஜன்ம ராசியில் இருப்பதும் அனுகூலமாகும். சனி 3-ல் இருப்பதும் சிறப்பு. இதனால் உங்கள் ஆற்றல் வெளிப்படும்.

மன மகிழ்ச்சி பெருகும். நீண்ட நாளைய எண்ணங்கள் இப்போது நிறைவேறும். புதிய பதவி, பட்டங்கள் கிடைக்கும். அரசாங்கத்தாரால் அனுகூலம் ஏற்படும். நிர்வாகத் திறமையும், செயல்திறமையும் அதிகரிக்கும். ஓரிரு சாதனைகளை ஆற்றுவீர்கள். பொறியியல், சட்டம், காவல், ராணுவம் போன்ற துறைகளைச் சேர்ந்தவர்கள் வெற்றி நடைபோடுவார்கள். பொருளாதார நிலை உயரும். வெற்றி வாய்ப்புகள் அதிகரிக்கும்.

அதிர்ஷ்டமான தேதிகள்: ஜூலை 12, 13.

திசைகள்: தென்கிழக்கு, வடக்கு, தெற்கு, கிழக்கு, மேற்கு.

நிறங்கள்: இளநீலம், சிவப்பு, பச்சை, ஆரஞ்சு.

எண்கள்: 1, 5, 6, 8, 9.

பரிகாரம்:

ராகு, கேதுவுக்குப் பிரீதி, பரிகாரங்கள் செய்வது நல்லது. துர்கை, விநாயகரை தொடர்ந்து வழிபடவும்.

கன்னி ராசி வாசகர்களே

உங்கள் ராசிக்கு 10-ல் சூரியன், செவ்வாய், புதன் ஆகியோரும் 12-ல் சுக்கிரனும் உலவுவதால் எடுத்த காரியங்களில் வெற்றி கிட்டும். அரசு ஆதரவு கிடைக்கும். முக்கியஸ்தர்கள் உதவி புரிவார்கள். வியாபாரம், கணிதம், எழுத்து, பத்திரிகை ஆகிய துறைகள் ஆக்கம் தரும். நிர்வாகத்திறமை கூடும். செயலில் வேகம் அதிகரிக்கும்.

எதிரிகள் அடங்குவார்கள். அரசுப்பணியாளர்களுக்கும் அரசியல்வாதிகளுக்கும் முன்னேற்றமான சூழ்நிலை நிலவிவரும். பொறியியல், சட்டம், காவல், ராணுவம் போன்ற துறைகளைச் சேர்ந்தவர்கள் சாதனை பல ஆற்றுவார்கள். எலக்ட்ரிக்கல், எலக்ட்ரானிக்ஸ் துறை லாபம் தரும். கணவன் மனைவி இடையே சிறுசிறு சச்சரவுகள் ஏற்பட்டு விலகும். நிலம், மனை, வீடு, வாகனங்களால் ஆதாயம் கிடைக்கும். புதிய சொத்துக்கள் சேரும். வாழ்க்கை வசதிகளைப் பெருக்கிக்கொள்ளச் சந்தர்ப்பம் கூடிவரும்.

அதிர்ஷ்டமான தேதிகள்: ஜூலை 12, 13, 15.

திசைகள்: கிழக்கு, தெற்கு, தென்கிழக்கு, வடக்கு.

நிறங்கள்: சிவப்பு, வெண்மை, நீலம், ஆரஞ்சு, பச்சை.

எண்கள்: 1, 5, 6, 9.

பரிகாரம்:

நாகர் வழிபாடு நலம் தரும்.