காரடையான் நோன்பு நேரம்; சொல்லவேண்டிய ஸ்லோகம்!

கணவரின் ஆரோக்கியத்திற்காகவும் தீர்க்க ஆயுளுக்காகவும் செய்யப்படும் காரடையான் நோன்பு, நாளைய தினம் 14.3.18 புதன்கிழமை கடைப்பிடிக்கப்படுகிறது.

நாளைய தினத்தில், காரடையான் நோன்பு கடைப்பிடிக்க வேண்டிய, பூஜை செய்யவேண்டிய நேரம் : நாளை இரவு 7.30 மணி முதல் 8.30 மணி வரை.

இந்த நேரத்தில் பெண்கள், பூஜை செய்து வழிபட்டு, அம்பாளுக்கு நைவேத்தியம் செய்து, சரடு அணிந்து கொண்டு, பிரார்த்தனை செய்யவேண்டும்.

இந்த பூஜையின் போது, சொல்லவேண்டிய ஸ்லோகம்:

தோரம் க்ரஹணாமி ஸூபகே

ஸஹாரித்ரம் தராம்யஹம்

பர்த்து: ஆயுஷ்ய ஸித்யர்த்தம்

ஸூப்ரீதா பவ ஸர்வதா:

அதாவது, ‘கணவர் நீண்ட காலம் நோய்நொடியில்லாமல் வாழ்வதற்காக, நான் இந்தக் காரடையான் நோன்பு விரத்ததை மேற்கொள்கிறேன். காமாட்சி அன்னையே, நின்னருளால், சரடும் அணிந்துகொண்டேன். என் கணவரைக் காத்தருளும் தெய்வம் நீயம்மா. என்றும் காத்தருள்வாய் அன்னையே!’ என்று அர்த்தம் என்கிறார்கள் ஆச்சார்யப் பெருமக்கள்!