நாமக்கல் ஆஞ்சநேயருக்கு 3 டன் மலர்களால் சிறப்பு அபிஷேகம்

நாமக்கல்: ஆங்கிலப் புத்​தாண்டை முன்னிட்டு நாமக்கல் ஆஞ்சநேயர் சுவாமிக்கு 3 டன் பூக்​களால் சிறப்பு அபிஷேகம் நடைபெற்றது. இதில், ஆயிரக்​கணக்கான பக்தர்கள் கலந்​து​கொண்டு சுவாமி தரிசனம் செய்​தனர். நாமக்கல் ஆஞ்சநேயர் கோயி​லில் நேற்று அதிகாலை 3.30 மணிக்​குக் கோயில் நடை திறக்​கப்​பட்டு, சுவாமிக்கு வடை மாலை சாத்​துபடி செய்​யப்​பட்டு, தீபாராதனை நடைபெற்​றது.

தொடர்ந்து, நல்லெண்​ணெய், சீயக்​காய், திரு​மஞ்​சனம், 1,008 லிட்டர் பால், தயிர், பஞ்சாமிர்​தம், மஞ்சள், சந்தனம் உள்ளிட்ட நறுமணப் பொருட்​களால் சிறப்பு அபிஷேக​மும், நிறைவாக கனகாபிஷேகமும் நடந்​தது.

காலை 5 மணிக்கு நாமக்கல் ஆஞ்சநேயர் அபிஷேகக் குழு சார்​பில், சுவாமிக்​குத் துளசி, முல்லை, மல்லிகை, அரளி, அல்லி, ரோஜா உள்ளிட்ட 3 டன் பூக்​களால் சிறப்பு மலர் அபிஷேகம் நடைபெற்​றது.

பின்னர் தங்கக் கவச அலங்​காரத்​தில் பக்தர்​களுக்கு சுவாமி அருள்​பாலித்​தார். சிறப்பு பூஜைகளுக்​குப் பின்னர் பக்தர்​களுக்​குப் பிரசாதம் வழங்​கப்​பட்​டது. தமிழகத்​தின் பல்வேறு மாவட்​டங்​களில்​இருந்​தும் வந்திருந்த திரளான பக்தர்கள் நீண்ட வரிசை​யில் காத்​திருந்து சுவாமி தரிசனம் செய்​தனர்.

இதேபோல, தமிழகத்​தில் உள்ள அனைத்து கோயில்​களி​லும் ஆங்கிலப் புத்​தாண்டை முன்னிட்டு நேற்று சிறப்பு பூஜைகள், அபிஷேகங்கள் செய்​யப்​பட்டு, மகா தீபாராதனை நடைபெற்​றது. பல்லா​யிரக்​கணக்கான பக்​தர்​கள் நீண்​ட​வரிசை​யில் ​காத்​திருந்து, சுவாமி தரிசனம்​ செய்​தனர்​.