மீனாட்சி அம்மன் கோயிலில் நவ.13 முதல் 18-ம் தேதி வரை: கோலாட்ட உற்சவம், கந்தசஷ்டி விழா

மதுரை: மதுரை மீனாட்சி சுந்தரேசுவரர் கோயில் இணை ஆணையர் ச.கிருஷ்ணன் வெளியிட்ட செய்திக்குறிப்பு: மதுரை மீனாட்சி சுந்தரேசுவரர் கோயிலில் கோலாட்ட உற்சவம் நவ.13 முதல் 18-ம் தேதி வரை நடைபெற உள்ளது. இந்த நாட்களில் மாலை 6 மணியளவில் மீனாட்சி அம்மன் எழுந்தருளி ஆடி வீதியில் சுற்றி வந்தபின் மீனாட்சி நாயக்கர் மண்டபத்தில் பத்தியுலாத்தி பின்பு கொலுச்சாவடி சேத்தியாவார்.

நவ.17-ம் தேதி மாலை 6 மணியளவில் மீனாட்சி அம்மன் வெள்ளி கோ ரதத்தில் எழுந்தருளி சித்திரை வீதிகளில் திருவீதி உலா நடைபெறும். நவ.18-ம் தேதி 6-ம் நாள் மாலை 6 மணி யளவில் மீனாட்சி சுந்தரேசுவரர் பஞ்சமூர்த்திகளுடன் வெள்ளிரிஷப வாகனத்தில் அலங்காரமாகி ஆடி வீதியில் புறப்பாடு நடைபெறும்.

ஸ்ரீகந்தசஷ்டி உற்சவம் நவ.13 முதல் 18-ம் தேதி வரை நடை பெறும். நவ.19-ம் தேதி காலை 7 மணியளவில் கூடல்குமாரர் சந்நிதியில் முத்துக்குமாரசுவாமி எழுந்தருளி வெள்ளிக்கவசம் மற்றும் பாவாடை சாத்துப்படியும் சிறப்பு அலங்காரம், சண்முகார்ச் சனையும் நடைபெறும். இவ்வாறு செய்திக்குறிப்பில் குறிப்பிடப்பட்டுள்ளது.