விஜய் சேதுபதியின் ‘டிஎஸ்பி’ - டிச. 30-ம் தேதி ஓடிடியில் வெளியாகிறது

விஜய்சேதுபதி நடிப்பில் உருவான ‘டிஎஸ்பி’ திரைப்படம் வரும் டிசம்பர் 30-ம் தேதி ஓடிடியில் வெளியாகும் என அறிவிக்கப்பட்டுள்ளது.

பொன்ராம் இயக்கத்தில் விஜய் சேதுபதி நடிப்பில் கடந்த டிசம்பர் 2-ம் தேதி திரையரங்குகளில் வெளியான படம் ‘டிஎஸ்பி’. அனுக்ரீத்தி வாஸ், பிரபாகர், புகழ், இளவரசு, ஞானசம்பந்தன், தீபா, சிங்கம்புலி உள்ளிட்டோர் நடித்திருந்த இப்படத்திற்கு டி.இமான் இசையமைத்திருந்தார். படம் வெளியான முதல் நாளே எதிர்மறை விமர்சனங்கள் வரத்தொடங்கின. இதனால் திரையரங்குகளில் படம் பெரிய அளவில் வரவேற்பைப் பெறவில்லை. இந்நிலையில் இப்படம் வரும் டிசம்பர் 30-ம் தேதி நெட்ஃப்ளிக்ஸ் ஓடிடி தளத்தில் வெளியாகும் என அறிவிக்கப்பட்டுள்ளது.