ராகவா லாரன்ஸ் நடிப்பில் உருவாகி திரையரங்குகளில் வெளியான ‘சந்திரமுகி 2’ திரைப்படம் வரும் அக்டோபர் 26-ம் தேதி ஓடிடியில் வெளியாகும் என அறிவிக்கப்பட்டுள்ளது.
பி.வாசு இயக்கத்தில் 2005-ம் ஆண்டு வெளியாகி வெற்றி பெற்ற படம் ‘சந்திரமுகி’. ரஜினிகாந்த், ஜோதிகா, நயன்தாரா, பிரபு, வடிவேலு உட்பட பலர் நடித்திருந்தனர். இதன் இரண்டாம் பாகம் ‘சந்திரமுகி 2’ என்ற பெயரில் கடந்த செப்டம்பர் 28-ம் தேதி திரையரங்குகளில் வெளியானது. ராகவா லாரன்ஸ், கங்கனா ரனாவத் முதன்மை கதாபாத்திரங்களில் நடித்திருந்த இப்படத்தில், வடிவேலு, ராதிகா உள்ளிட்ட பலர் நடித்துள்ளனர்.
இந்த பாகத்தையும் பி.வாசுவே இயக்கியிருக்கிறார். எம்.எம்.கீரவாணி படத்துக்கு இசையமைத்துள்ளார். படம் வெளியாகி ரசிகர்களிடையே எதிர்மறையான விமர்சனங்களைப் பெற்றது. லைகா தயாரிப்பில் ரூ.65 கோடி பட்ஜெட்டில் உருவானதாக கூறப்படும் இப்படம் ரூ.50 கோடி வசூலைக்கூட நெருங்கவில்லை என கூறப்படுகிறது.
» ‘லியோ’ முதல் ‘பகவந்த் கேசரி’ வரை - தியேட்டர், ஓடிடியில் இந்த வாரம் என்ன பார்க்கலாம்?
» வட சென்னையும் போராட்டமும் - அருண்ராஜா காமராஜின் ‘லேபிள்’ வெப் சீரிஸ் ட்ரெய்லர் எப்படி?
இந்நிலையில் இப்படம் வரும் அக்டோபர் 26-ம் தேதி நெட்ஃப்ளிக்ஸ் ஓடிடியில் வெளியாகும் என அறிவிக்கப்பட்டுள்ளது. படத்தை இந்தி மற்றும் தென்னிந்திய மொழிகளில் காண முடியும் என தெரிவிக்கப்பட்டுள்ளது.