ஓடிடியில் வெளியானது மணிரத்னத்தின் ‘பொன்னியின் செல்வன் 2’

மணிரத்னம் இயக்கியுள்ள ‘பொன்னியின் செல்வன் 2’ திரைப்படம் அமேசான் ப்ரைம் ஓடிடி தளத்தில் வெளியாகியுள்ளது.

கடந்த ஏப்ரல் 28-ம் தேதி ‘பொன்னியின் செல்வன் 2’ உலகம் முழுவதும் வெள்ளித்திரையில் வெளியானது. கல்கியின் ‘பொன்னியின் செல்வன்’ நாவலை இயக்குநர் மணிரத்னம் 2 பாகங்களாகத் திரைப்படமாக்கி இருக்கிறார். முதல் பாகம் கடந்த ஆண்டு செப்டம்பர் மாதம் வெளியாகி வரவேற்பைப் பெற்றது.

லைகா நிறுவனமும் மெட்ராஸ் டாக்கீஸும் இணைந்துத் தயாரித்திருந்த இந்தப் படத்தில் விக்ரம், ஜெயம் ரவி, கார்த்தி, ஐஸ்வர்யா ராய், த்ரிஷா, ஐஸ்வர்யா லட்சுமி, சரத்குமார், பார்த்திபன், லால் உட்பட பலர் நடித்துள்ளனர். படத்துக்கு ஏ.ஆர்.ரஹ்மான் இசையமைத்துள்ளார். இரண்டாம் பாகம் கலவையான விமர்சனங்களைப் பெற்றது.

படம் வெளியான 10 நாட்களில் ரூ.300 கோடியை வசூலித்ததாக படத்தின் தயாரிப்பு நிறுவனமாக லைகா அதிகாரபூர்வமாக அறிவித்திருந்தது. ‘பொன்னியின் செல்வன் 2’ திரையரங்குகளில் வெளியாகி ஒருமாதம் கடந்து விட்ட நிலையில் தற்போது அமேசான் ப்ரைம் ஓடிடி தளத்தில் படம் வெளியிடப்பட்டுள்ளது.