இப்படிக்கு இவர்கள்: கரும்பு விவசாயிகளை வஞ்சிக்கும் செயல்!

கரும்பு விவசாயிகளை வஞ்சிக்கும் செயல்!

ன்னைப் பாதித்த கொடிய நோயுடன் 49 ஆண்டுகள் போராடியவர் விஞ்ஞானி ஸ்டீவன் ஹாக்கிங். அவர் மறைவு குறித்து கூகுள் தலைமைச் செயல் அதிகாரி சுந்தர் பிச்சை, ‘நாம் ஒரு அற்புத அறிவையும், சிறந்த விஞ்ஞானியையும் இழந்துவிட்டோம்’ என்றார். பிரபஞ்சத்தின் மர்மங்களை ஆராய்ந்து பல அரிய விஷயங்களை வெளிப்படுத்தியதில் அவரது அறிவுக்கூர்மையைக் கண்டு உலகம் வியந்தது. ‘எதைப் பற்றி நீங்கள் அதிகம் நினைத்துக்கொண்டிருப்பீர்கள்?’ என்ற ஒரு இதழின் கேள்விக்கு, ‘பெண்கள்... அவர்கள்தான் எனக்குப் புதிர்’ என்ற பதிலில் அவருடைய நகைச்சுவை உணர்வு எல்லோரை யும் ஈர்த்தது. இளைஞர்களின் எதிர்கால எண்ணங்களுக்கும், எதிர்பார்ப்புகளுக்கும் ஸ்டீவன் ஹாக்கிங்கின் அறிவுரைகள் என்றென்றும் உந்துசக்தி யாக இயங்கிக்கொண்டேயிருக்கும்.

ர்ச் - 20 தங்களுடைய நாள் என்றே தெரியாமல் ஐந்தாறு ஜோடி சிட்டுக்குருவிகள் எங்கள் கிராமத்து வீட்டில் பறந்து திரிந்து, உல்லாசப் பறவைகளாக வலம்வந்துகொண்டிருந்தன. சிட்டுக்குருவிகள் மற்ற பறவைகள்போல் மரங்களில் கூடுகட்டுவதில்லை. கிணற்றின் சுவரில் உள்ள பொந்துகளில் கூடுகட்டிக்கொண்டு கிணற்றடி யில் நாங்கள் கழுவி ஊற்றும் தானியங்கள், சோற்றுப்பருக்கை கள் மற்றும் காய்கறித் துண்டுகள் ஆகியவற்றைக் கொத்தித் தின்றுவிட்டு, பக்கத்தில் உள்ள எலுமிச்சை மரத்தில் ஜோடிஜோடியாக உட்கார்ந்து ‘கீச்சுகீச்சு’ என்று பேசிக்கொண்டிருக்கின்றன. மனிதர்களின் காலடிச் சத்தம் கேட்டவுடன் விர்ரென்று பறந்துசென்று, மின்சாரக் கம்பியில் வரிசையாக உட்கார்ந்துகொள்வது, நகரவாசிகள் கண்டிராத ஓர் அற்புதக் காட்சி. கிணறுகள் ஆழ்துளை போர்களாக மாறிவிட்டதால், குருவிகள் இடம்பெயர்ந்துவிட்டன. கிராமத்துப் பக்கம் போகாமல் சென்னை அண்ணா சாலையில் சிட்டுக்குருவிகளைத் தேடினால் காணக் கிடைக்குமா?