தண்டவாளத்தில் மரணம்: தவிர்க்கப்பட வேண்டிய அவலம்

பொதுவாகவே, கவனக் குறைவாலும் அலட்சியத்தாலும் நிகழும் மரணங்கள் மிகுந்த ஆயாசத்தை ஏற்படுத்துபவை. ஆபத்தைத் தவிர்ப்பதற்காக வகுக்கப்படும் விதிமுறைகளை மீறியும் உயிர்களின் மதிப்பை உணராமலும் விபத்துக்குள்ளாவதைவிட வருத்தம் தரும் செயல் வேறு எதுவும் இல்லை.

அந்த வகையில் தமிழ்நாட்டில், ரயில் தண்டவாளங்களைக் கடக்கும்போது ஏற்படும் உயிரிழப்புகளும், ரயில் முன் பாய்ந்து தற்கொலை செய்துகொள்பவர்களின் எண்ணிக்கையும் அதிகரித்துவருவது ஆழ்ந்த கவலையளிக்கிறது.