பள்ளிக் கழிப்பறைப் பராமரிப்பு: களங்கம் களையப்பட வேண்டும்!

தமிழ்நாட்டில் அரசுப் பள்ளிகளில் கழிப்பறைகளைச் சுத்தப்படுத்துதல் உள்ளிட்ட பணிகளில் மாணவ, மாணவியரை ஈடுபடுத்தும் போக்கு தொடர்வது தவறானதொரு நடைமுறை. சமீபத்தில் தேனி மாவட்டம் ஆண்டிபட்டி அருகில் அரசு உயர்நிலைப் பள்ளியில் பள்ளிக் கழிப்பறையையும் பள்ளி வளாகத்தையும் மாணவர்கள் சுத்தம் செய்யும் காணொளி வெளியாகிப் பெரும் அதிர்ச்சியை ஏற்படுத்தியது.

பெற்றோரும், அரசியல் கட்சியினரும் இந்த அவலத்தை எதிர்த்துக் குரல் எழுப்பினர். இதையடுத்து, பள்ளிக் கல்வித் துறை சார்பில் விசாரணை நடத்தப்பட்டு, அந்தப் பள்ளியின் தலைமை ஆசிரியர் திண்டுக்கல் மாவட்டத்தில்உள்ள அரசுப் பள்ளிக்குப் பணியிட மாற்றம் செய்யப்பட்டுள்ளார். ஆனால், இந்த நடவடிக்கை மட்டும் போதுமா என்பதுதான் அனைவர் மனதிலும் எழுந்திருக்கும் கேள்வி.