நிர்பயா நிதி: வயலுக்குப் பாயாத நீர்

நிர்பயா நிதி உருவாக்கப்பட்டு 10 ஆண்டுகள் ஆகும் நிலையில், அந்த நிதியில் 30%க்கும் மேல் பயன்படுத்தப்படவில்லை எனச் செய்திகள் வெளியாகியிருக்கின்றன. இதையடுத்து, பெண்களின் பாதுகாப்புக்காக உருவாக்கப்பட்ட நிதியை முறையாகப் பயன்படுத்தாத அரசுகள் மீதான நம்பிக்கை கேள்விக்குரியதாகியிருக்கிறது.

2012 இல் டெல்லியில் நிகழ்ந்த கூட்டுப் பாலியல் வல்லுறவு சம்பவத்தைத் தொடர்ந்து, பெண்களின் பாதுகாப்புக்காக ‘நிர்பயா நிதி’ திட்டத்தை 2013இல் மத்திய அரசு அறிவித்தது. இந்தத் திட்டத்துக்கு ரூ.1,000 கோடி வரை ஒதுக்கப்படும் என்றும் அறிவிக்கப்பட்டது. ஆனால் அந்த நிதி முறையாகப் பயன்படுத்தப்படுகிறதா எனும் கேள்விகள் எழுந்தன.