தடுக்கப்பட வேண்டும் அகதிகள் தற்கொலை!

இந்தியாவில் அகதிகள் மத்தியில் அதிகரித்துவரும் தற்கொலை மரணங்கள் குறித்து அரசு சாரா நிறுவனம் ஒன்று ஆய்வறிக்கை வெளியிட்டுள்ளது. இந்தியாவில் அதிகளவில் அகதிகள் வாழும் மாநிலங்களில் ஒன்று, தமிழ்நாடு. இந்தப் பின்னணியில் இந்த அறிக்கை நாம் கவனம் கொள்ளத்தக்க ஒன்று.

விடுதலை இயக்கம் ஒன்றால் இலங்கை ராணுவ வீரர்கள் கொல்லப்பட்டதையடுத்து மூண்ட உள்நாட்டுப் போரால், 1980களில் தமிழ்நாட்டுக்கு அகதிகள் வரத் தொடங்கினர். அதற்கு முன்பு, பிரிட்டிஷ் ஆட்சிக் காலத்தில் தமிழ்நாட்டிலிருந்து தோட்டத் தொழிலுக்காகப் புலம்பெயர்ந்தோர் தமிழ்நாடு திரும்பினர். 2009இல் இறுதிப் போருக்குப் பிறகு பெருமளவில் அகதிகள் வந்தனர்.