பள்ளி நூலகங்களின் பொற்காலம்!

தமிழ்நாட்டில் உள்ள அனைத்துப் பள்ளிகளிலும் நூலகங்களைத் திறம்படச் செயல்பட வைப்பதற்குப் பள்ளிக் கல்வித் துறை இயக்குநரகம் தொடர்ந்து எடுத்துவரும் முயற்சிகள் பாராட்டுக்குரியவை.

நூலக வாசிப்பை மாணவர்களிடம் வளர்த்தெடுக்கும் முயற்சியாக மாதந்தோறும் போட்டிகளை நடத்த வேண்டும் என அண்மையில் மாவட்டக் கல்வி அலுவலர்களுக்கு அனுப்பப்பட்டுள்ள சுற்றறிக்கை, பள்ளிக் கல்வித் துறை அமைச்சர் ஆகஸ்ட்-17அன்று தொடங்கிவைத்த வாசிப்பு இயக்கத்துக்கு மேலும் வலிமை சேர்க்கும் வகையில் அமைந்துள்ளது.