வங்கிப் படிவங்களில் தமிழ்: நம்பிக்கையளிக்கும் பதில்!

மழைக்காலக் கூட்டத்தொடரின் முதல் நாளிலேயே தமிழுக்கான உரிமைக் குரல் ஒலித்திருக்கிறது. இம்முறை, தென்சென்னை மக்களவை உறுப்பினர் தமிழச்சி தங்கபாண்டியன் பொதுத் துறை வங்கிகள் தொடர்பாக எழுப்பிய கேள்விகளில், தமிழகத்தில் உள்ள வங்கிகளில் குறிப்பாகக் கிராமப்புற வங்கிகளில் தமிழ் தெரிந்த ஊழியர்களை நியமிக்க மத்திய அரசு எடுத்துவரும் நடவடிக்கைகள் என்னென்ன என்ற கேள்வியை எழுப்பினார்.

அதற்கு மத்திய நிதித் துறை இணையமைச்சர் அளித்துள்ள பதிலில், உள்ளூர் மக்கள் வங்கிச் சேவைகளைப் பெறுவதை எளிதாக்குவதற்காக வங்கி ஊழியர்களுக்கு அவர்கள் பணியாற்றும் பிராந்தியத்தின் மொழியில் பயிற்சி வழங்கப்பட்டுவருவதாகத் தெரிவித்துள்ளார்.