சாதியிலிருந்து விடுபடுமா மண்பாண்டத் தொழில்?

கீழடி, ஆதிச்சநல்லூர் பற்றிப் பேசும்போது தமிழ் மொழியின் தொன்மை குறித்தும் பண்டைய தமிழர்களின் பண்பாட்டுச் சிறப்புகள் குறித்தும் பெருமைப்பட்டுக்கொள்கிறோம்.

ஆனால், அந்தத் தமிழ் மொழியையும் பண்பாட்டையும் சுமந்துகொண்டு பல்லாயிரம் ஆண்டுகள் மண்ணுக்குள் புதையுண்டிருந்த மண்பாண்டங்கள் குறித்தோ, அதற்குக் காரணமாக இருந்த மண்பாண்டத் தொழில் குறித்தோ பேசப்படுவதே இல்லை. 2,600 ஆண்டுகளுக்கு முன்பு குயவுத் தொழில் எவ்வளவு செழித்து வளர்ந்திருந்தது என்பதை அகழாய்வுகளின் வழியாக உணர முடிகிறது.