அந்நிய முதலீடுகளில் தேக்கநிலை கூடாது!

ஐக்கிய நாடுகள் அவையின் வர்த்தகம் மற்றும் மேம்பாட்டுக்கான அமைப்பு (யுஎன்சிடிஏடி) அண்மையில் வெளியிட்டுள்ள உலக முதலீடுகள் பற்றிய அறிக்கை-2022, வளரும் நாடுகள் பெருந்தொற்றின் காரணமாக அந்நிய முதலீடுகளைப் பெறுவதில் அடைந்த தேக்க நிலையிலிருந்து மெல்ல மீண்டுவருவதை எடுத்துக்காட்டியுள்ளது.

2020-ல் அந்நிய நேரடி முதலீடுகள் 35% சரிந்து, 2021-ல் 64.3% அளவுக்கு உயர்ந்துள்ளன. நடப்பாண்டில் அது மேலும் உயரும் என எதிர்பார்க்கலாம். ஆனால், உலகளவில் அந்நிய முதலீடுகளை ஈர்ப்பதில் ஆப்பிரிக்கா, தென் அமெரிக்க நாடுகளை விடவும் ஆசிய நாடுகள் பின்தங்கியே உள்ளன.