அமைச்சர்களே அரசமைப்பை அவமதிக்கலாமா?

கேரள கலாச்சாரத் துறை அமைச்சர் ஷாஜி செரியன், இந்திய அரசமைப்பை அவமதித்துப் பேசியதையடுத்து, அங்கு எழுந்துள்ள சர்ச்சைகள், அவர்மீது பதிவாகியுள்ள குற்றவியல் புகார் காரணமாக அமைச்சர் பதவியிலிருந்து விலகிவிட்டார்.

‘அரசமைப்பின் வழி நடப்பேன் என்றும் அதைப் பாதுகாப்பேன்’ என்றும் உறுதிமொழி எடுத்துக்கொண்டு அமைச்சராகப் பொறுப்பேற்றுக்கொண்ட ஒருவர், அரசமைப்பை அவமதிப்பது என்பது எந்தவகையிலும் நியாயமாகாது. அரசமைப்பு இயற்றப்பட்ட காலத்திலிருந்தே அதைக் குறித்துப் பல்வேறு கோணங்களிலிருந்து விவாதங்கள் நிகழ்ந்துகொண்டேதான் இருக்கின்றன.