தொழில்வளம் பெருகட்டும்...வேலைவாய்ப்பு அதிகரிக்கட்டும்!

மத்திய நிதியமைச்சர் நிர்மலா சீதாராமன் அண்மையில் வெளியிட்ட மாநிலங்கள்/யூனியன் பிரதேசங்களின் தொழில் துறை சீர்திருத்தச் செயலாக்கம் தொடர்பான அறிக்கையில், முதலீடுகள் செய்வதற்கு மிகவும் ஏற்ற 7 மாநிலங்களின் பட்டியலில் தமிழ்நாடும் ஒன்றாக இடம்பிடித்திருப்பது பாராட்டுக்குரியது.

ஆந்திரப் பிரதேசம், குஜராத், ஹரியானா, கர்நாடகம், பஞ்சாப், தெலங்கானா ஆகியவை மற்ற 6 மாநிலங்களாகும். 2020-ம் ஆண்டின் தொழில் துறைச் சீர்திருத்தச் செயலாக்கத் திட்டத்தை நடைமுறைப்படுத்தியதன் அடிப்படையில், தமிழ்நாடு இந்தச் சிறப்பிடத்தைப் பெற்றுள்ளது.