தண்டனைக் குறைப்போடு சிறைச் சீர்திருத்தங்களும் நடைமுறைக்கு வரட்டும்!

நாட்டின் 75-வது சுதந்திர தின விழாவையொட்டி மாநிலங்களிலும் ஒன்றிய பிரதேசங்களிலும் குறிப்பிட்ட சில பிரிவுகளின் கீழாகச் சிறைத் தண்டனை அனுபவித்துவருபவர்களுக்குத் தண்டனைக் காலத்தைக் குறைக்க மத்திய உள்துறை அமைச்சகம் வழிகாட்டும் நெறிமுறைகளை வழங்கியிருப்பது வரவேற்கத்தக்கது.

சிறப்பு விதிவிலக்கான இந்தத் தண்டனைக் குறைப்பானது, 2022-ன் சுதந்திர தினம், 2023-ன் குடியரசு, சுதந்திர தினங்கள் என்று மூன்று கட்டங்களாகச் செய்யப்படவிருக்கின்றன. 50 வயதுக்கு மேற்பட்ட பெண்கள், மூன்றாம் பாலினத்தவர்களும் 60 வயதுக்கு மேற்பட்ட ஆண்களும் தங்களது மொத்தத் தண்டனைக் காலத்தில் பாதியை நிறைவுசெய்திருந்தால் இந்தத் திட்டத்தின் கீழ் தண்டனைக் குறைப்பு வாய்ப்பைப் பெற முடியும்.